L’escolta Adrià Duch segundu fichaxe del Círculu.
L’Escolta Adrià Duch segundu fichaxe del Círculu.Adrià (1.88) ye un escolta que vien del CB Tarragona y tien con esperiencia en LEB Plata. La so principal arma ye’l so tiru esterior.
Estes fueron les primeres impresiones del técnicu Nacho Galán “Atopamonos énte unu de los meyores tiradores de la Lliga. Adrian algamó porcentaxes cercanos al 40% nos sos últimos años en LEB Plata, ostentando dalgunos de los records de les Lligues FEB. Creemos qu’encaxa perbién nel estilu de xuegu de Circulo Xixón onde va poder ameyorar entá más los sos porcentaxes, al escoyer meyor los sos llanzamientos.
Nun ye un xugador bien conocíu nel Oeste al apostar los sos partíos n’equipos del grupu Este. Tarragona y Lleida fueron los sos últimos equipos. Precisamente con Lleida visitó’l palaciu de la Guía nel postrer partíu pre-pandemia, onde realizó un gran alcuentru.
Escoyó Xixón a pesar de cuntar con delles ufiertes, pero’l nuesu estilu de xuegu y el gran ambiente baloncestísticu que se vive na ciudá fueron claves na so decisión.
Va ser ensin dulda unu de los xugadores importantes del nuesu equipu y pola so capacidá pa camudar les dinámiques de los alcuentros coles sos raches anotadoras, un xugador bien queríu pola afición.”
El castellonense avezáu a la LEB Plata grupo Este camuda de grupu nesta nueva aventura “Toi encantáu de fichar nuna ciudad y nun club del que siempres me falaron perbién, con un proyectu ambiciosu y que seguro que va siguir creciendo. Toi con munches ganes d’empezar y a xugar partíu y de poder esfrutar del Palaciu lo más lleno que se pueda declaraba Duch
