Alejandro Rivas (1.96) incorpórase a les files del Círculu Xixón Baloncestu.
La temporada pasada xugó col Breogán de Lugo, acabante xubir a ACB y llega dispuestu a faese un buecu tantu nel equipu como na LEB Plata onde va debutar anguaño.
Estes fueron les palabres de Nachu Galán “Dende Breogan de Lugo, acabante xubir a ACB, llega esti mozu xugador dispuestu a faese un buecu na difícil LEB PLATA. Alex puede xugar al esterior gracies a la so movilidá y el so bon tiru y tamién en posiciones más cercanes al aru, gracies a la so fortaleza y habilidá. Dispuestu a dir completando la so formación, atopamos con una futura figura del baloncestu español si sigue la so progresión y afaise a roles más importantes.
Esfuerzu, seguro que nun va remacariar, llega a Xixón con tola ilusión del mundu y col convencimientu de que-y queda enforma trabayu per delantre.”
El gallegu amuésase bien ilusionáu por esta oportunidá y por debutar nuna categoría tan competitiva como ye la LEB Plata. Asina nos declaraba cuálas son les sos cualidaes “xuego de 2-3 en función de les necesidaes que tenga l’entrenador en cada momentu y tamién puedo ayudar nel rebote. Caracterizo por tener una bona mano tanto a media distancia como a llarga distancia, inclusive puedo ufiertar bonos porcentaxes de tiru tres bote; amás soi bonu nel contraataque y con muncha intensidá defensiva”.
