Alo devuélvenos la sorrisa

Un triple d’Alo a falta de 44 segundos, una bona defensa del equipu y de nuevu’l 13 del Círculu anotando sobro la bocina; da por terminada la maldición de xugar fuera del Palaciu.

El Círculo arrancaba la selmana atristayáu tres perder nel últimu segundo contra’l Clavijo. El miércoles siguía la suerte dando’l llombu al equipu, esta vegada na prórroga pero; llegó’l domingu y l’equipu resurdió de les sos cenices para consiguir la primer victoria de la temporada fuera de casa.

El partíu nun foi mui distintu a cualesquier otru partíu que xugara’l Círculu fuera de casa. L’equipu llocal controlaba’l partíu, mientres que’l conxuntu visitante calteníase de pies. Los dos xugadores más destacaos del equipu xixonés na primer metá del alcuentru fueron Justinas y Quarry. El partíu llegó al descansu con un marcador (49-37) bien esmolecedor pa los intereses del equipu entrenáu por Nachu Galán. Namás quedaba intentar una remontada, tal que nos tien avezaos, pero esta vegada’l final nun ye’l mesmu.

Nel tercer cuartu’l Círculotrabayó bien duru pa intentar retayar puntos y averase lo suficiente para llegar con opciones al postreru cuartu. A la fin reducióse hasta los 5 puntos. (66-61)

Llegamos al postreru cuartu, xugadores importantes como Portález, Quarry y Alo enchufáronse pa consiguir lo que yera cuasi impensable que pueda asoceder. Un triple de Portález a falta de 7:34 ponía l’empate a 68 nel marcador y el pistoletazu de salida pa que’l Círculo creyeran que yera posible ganar. A partir d’ehí llegaron los triples de Justinas, Portález, Quarry y a la fin Alo pa empatar a 90 falta de 44 segundos pal final. L’Innova Chef tenía la posesión pa ponese per delantre otra vuelta, pero una bona defensa de los visitantes que finalizaba con un tapón de Quarry a Libroia; daba opciones al Círculo. Namás quedaben 31 segundos pa intentalo y la xugada que yá toos sabemos, a falta de 8 segundos Alo Marín llevántase y tira pa poner el ramu a esta increyible remontada espectacular del Círculo Xixón.

El próximu partíu va ser el sábadu nel Palaciu los deportes de Xixón a partir de les 20:00h contra la Ponferrada.