César Morales analízanos al nuesu próximu rival el Zentro Basket Madrid, de cara al alcuentru que’l Círculu Xixón Baloncestu, va disputar esti sábadu nel Palaciu de Deportes de Xixón a partir de les 20:00
El Círculu Xixón Baloncestu regresó a la competición tres el parón sufríu polos positivos por COVID-19 con una importante victoria énte l’Aquimisa Carbajosa 77-72.
El Zentro Basket Madrid, ye un equipu con tan solo 8 años d’esistencia, nel Barriu de Ventilla, que la so cancha de xuegu ye’l Polideportivu Municipal Antonio Díaz Miguel. Esta temporada ye’l so debú en LEB Plata tres
aceptar una plaza por invitación de la FEB. Ye un club que cunta con una Academia de Formación y una Residencia con 23 xugadores.
El Zentro Basket Madrid ocupa la undécima posición de la clasificación con un balance de 6 victories – 7 derrotes. Como visitante presenta un balance de 1 victoria (C.B. Marbella) – 5 derrotes (Enerdrink UDEA Algeciras Dam; Melilla Sport Capital Enrique Soler; Grupo Alega Cantabria; Juaristi ISB; Reina Yogur Clavijo CB).
Nel alcuentru de la primer vuelta, victoria del Zentro Basket Madrid (91-79). Guillermo Abondo con 30 puntos lideró al conxuntu madrilanu secundáu d’Agustín Barreiro (18 puntos), Nacho Rodríguez (13 puntos) y Erik Persson (10 puntos; 6 rebotes). Pel Círculu Xixón Baloncestu destacó’l so xuegu interior, formáu por Javi Lucas raspiando’l doble doble (20 puntos; 9 rebotes) y Marcos Portález (20 puntos), siguíu de Jabs Newby (11 puntos; 3 rebotes) y Alo Marín (11 puntos).
El proyectu deportivu del Zentro Basket Madrid pa la so primer temporada en
LEB Plata configuróse en base a trés fichaxes (Agustín Barreiro, Ignacio Ballespin, Gonçalo Pereira) y la continuidá de Pablo Pérez, Isma Herrero, Erik Persson, Nachu Rodríguez, Pedro García, Guillermo Abondo, Adrián Sánchez y Vincent Gielen. Cola temporada en cursu, a mediaos del mes de xineru, el Zentro Basket Madrid realizó los fichaxes de Marc García y Gabriel Muñoz, que debutaron la pasada xornada énte l’Enerdrink UDEA Algeciras Dam.
Los bases del Zentro Basket Madrid son Pablo Pérez, Ismael Herrero y Marc García.
Pablo Pérez (3.4 ppp; 2.1 rpp; 1.5 app), base de 23 años y 1.82 m., cumple la so tercer temporada col ZBK Madrid.
Ismael Herrero (1.6 ppp; 1 rpp; 1.9 app), base de 24 años y 1.88 m., mesmo que Pablo Pérez, cumple la so tercer temporada col ZBK Madrid.
Marc García, base de 20 años y 1.84 m., debutó ente l’Enerdrink UDEA Algeciras Dam con 2 puntos; 1 rebote; 4 asistencies. Procedente del Nissan Grupo de Santiago, filial del Hereda San Pablo Burgos col que llegó a debutar en Liga Endesa la pasada temporada. Hermanu de Sergi García (MoraBanc Andorra).
Erik Persson e Ignacio Ballespín configuren la posición d’escolta del Zentro Basket Madrid.
Erik Persson (6.3 ppp; 2.3 rpp), escolta suecu de 20 años y 1.90 m., cumple la so tercer temporada nel ZBK Madrid al que llegó procedente del Helsingborg Basket onde militó mientres dos temporaes, destacando en 2015/2016 onde promedió 17.1 ppp.
Ignacio Ballespín (7.5 ppp; 2.9 rpp), escolta de 22 años y 1.94 m., recaló nel ZBK Madrid n’empezando la pasada temporada nes files del Melilla Baloncestu (LEB Oru) hasta principios del mes d’ochobre, pa darréu recalar nel JAFEP Fundación GlobalCaja La Roda (LEB Plata). Formáu nes categoríes inferiores del C.B. Alcobendas pa de siguío ingresar na cantera del Real Madrid. Ignacio Ballespín proclamóse campeón de la Eurolliga Junior 2014/2015 dientro d’un equipu onde figuraben Luka Doncic, Jonathan Barreiro, Santi Yusta y Felipe dos Anjos. La pasada temporada debutó en LEB Oru col Melilla Baloncestu, pero abandonó’l conxuntu norteafricanu a principios del mes d’ochobre, pa darréu recalar nel JAFEP Fundación GlobalCaja La Roda (LEB Plata).
El Zentro Basket Madrid cuenta con una tripleta na posición d’aleru formada por Agustín Barreiro, Pedro García y Nacho Rodríguez.
Agustín Barreiro (12.6 ppp; 5.3 rpp), aleru arxentinu de 22 años y 2.02 m., procedente del Hispano Americano de Río Gallegos onde militó en calidá de cedíu per Boca Juniors. La pasada campaña Barreiro promedió 7.4 ppp; 6.3 rpp. El so fichaxe por ZBK Madrid, nun tuvo exentu de discutiniu, porque Boca Juniors reclamó los sos derechos aduciendo que tenía contratu a valir col cuadru xeneize.
Pedro García (10.5 ppp; 4 rpp), aleru de 22 años y 2.02 m., cumple la so tercer temporada col Zentro Basket Madrid. Formáu na cantera del Estudiantes y Real Canoe. Na temporada 2018/2019 sufrió unu frayatu de peroné.
Nacho Rodríguez (12.1 ppp; 5.3 rpp), aleru de 26 años y 2.00 m., segunda temporada nel Zentro Basket Madrid. Na temporada 2015/2016, Nacho Rodríguez, debutó en LEB Plata col Carrefour “El Bulevar” d’Ávila, permaneciendo nel conxuntu abulense hasta principios de xineru de 2016 onde recaló nel Movistar Estudiantes (EBA). Rematada la so etapa col filial colexal, les trés siguientes temporaes, militó en Lliga EBA con Novum Energy Licéu Francés (2017/2018), Estudiu C.D. (2018/2019) y Zentro Basket Madrid
(2019/2020).
La posición d’ala-pívot del Zentro Basket Madrid ta formada por Gonçalo Pereira y Guillermo Bastante.
Gonçalo Pereira (7.3 ppp; 5.5 rpp), ala-pívot portugués de 23 años y 2.03 m., procedente del Benfica onde militó les tres últimas temporaes.
Guillermo Bastante (12.5 ppp; 4rpp), ala-pívot de 22 años y 2.01 m., dende la temporada 2018/2019 nel Zentro Basket Madrid, cola esceición de que la pasada temporada empecipió nel JAFEP Fundación GlobalCaja La Roda (LEB Plata), respondíu pola so bona campaña anterior col ZBK Madrid, pero la so etapa nel conxuntu rodeñu remató a finales del mes de xineru d’anguaño, pa tornar al Zentro Basket Madrid.
Vincent Gielen y Adrián Sánchez formen la pareya de pívots del Zentro Basket Madrid al que se xunió na primer xornada Amadou Doumbia. A mediaos del mes de xineru incorporóse Gabriel Muñoz.
Vincent Gielen (8.2 ppp; 3.7 rpp), pívot belga de 20 años y 2.08 m., ye’l xugador franquicia del Zentro Basket Madrid. En Bélxica xugó nel Telenet Giants Antwerp, dos temporaes (2016/2017; 2017/2018) col equipu B y na campaña 2018/2019 combinándolo col primer equipu. La so llegada al Zentro Basket Madrid produció la pasada temporada en Lliga EBA promediando 12.9 ppp; 5.9 rpp. Esta temporada nel únicu alcuentru disputáu énte’l NCS Alcobendas foi’l líder del ZBK Madrid con 16 puntos; 5 rebotes.
Adrián Sánchez (1.6 ppp; 0.6 rpp), pívot de 19 años y 2.04 m., tercer temporada nel Zentro Basket Madrid. La so llegada al ZBK Madrid producióse dende’l Colegio Brains.
Gabriel Muñoz, incorporóse a mediaos del mes de xineru al Zentro Basket Madrid, equipu nel que se formó, antes d’empecipiar la so esperiencia n’O.S.A. con Waldorf University. La pasada temporada promedió 12 ppp; 6.6 rpp; 1.9 tpp. Gabriel Muñoz debutó con ZBK Madrid énte l’Enerdrink UDEA Algeciras Dam con 05:02 en pista ensin llegar a estrenar los sos
casilleros nel apartáu anotador y reboteador.
Amadou Doumbia (2 puntos; 3 rebotes) con trés alcuentros disputaos, pívot de Mali de 15 años y 2.09 m. con una envergadura de 2.17 m. Debutó col ZBK Madrid na primer xornada, el víspora de cumplir 15 años. La so llegada a Madrid producióse con 12 años con una ablucante hestoria personal. Doumbia probó na cantera del Real Madrid pero unos problemes burocráticos torgaron la so incorporación a la cantera merengue.
Fernando Reborio del Zentro Basket Madrid foi’l gran artífiz por que Amadou Doumbia tornara a España y pa llogralo foi a buscalo hasta Mali. Doumbia participó col Montakit Fuenlabrada nes ediciones de la MiniCopa Endesa 2018 y 2019. D’aprendiz de pintor a tar cursando 3u d’ESO pa
una estrella emerxente que milita nel Zentro Basket Madrid.
El Zentro Basket Madrid ta dirixíu por Alonso de Madariaga que foi Director de Cantera del Real Madrid de 2005 a 2009.
