César Morales analízanos al nuesu próximu rival l’Aquimisa Carbajosa, de cara al alcuentru que’l Círculu Xixón Baloncestu, va disputar esti domingu nel Palaciu de Deportes de Xixón a partir de les 12:30
El Círculu Xixón Baloncestu torna a la competición tres 28 díes de parón polos positivos en COVID-19 del conxuntu xixonés. L’Aquimisa Carbajosa visita’l Palaciu de Deportes de Xixón, esti domingu a partir de les 12:30. Alcuentru correspondiente a la Xornada 14 y primeru de la segunda vuelta de la competición.
El Círculu Xixón Baloncestu recibió l’impactu del COVID-19, materializáu en trés positivos dientro de la plantiya xixonesa, que provocó la paralización de l’actividá competitiva qu’afectó a trés partíos programaos: Melilla Sport Capital Enrique Soler (9 xineru), Aquimisa Carbajosa (16 xineru) y C.B. Marbella (23 xineru).
Esti domingu xugará’l partíu que tuvo que ser aplazáu recibiendo al Aquimisa Carbajosa nel Palaciu de Deportes de Xixón. L’equipu de la localidá salmantina de Carbajosa de la Sagrada debuta en LEB Plata, tres l’históricu ascensu llográu la pasada temporada, onde hasta la suspensión de la competición pola crisis sanitaria del COVID-19, yera l’únicu equipu invictu de tol baloncestu nacional dende Lliga EBA hasta Liga Endesa.
El so estrenu en LEB Plata producióse énte’l Círculu Xixón Baloncestu, na primer xornada de competición, onde’l conxuntu carbajosino llogró una histórica victoria nel so debú na categoría. L’Aquimisa Carbajosa impúnxose 70-66. Arturo Cruz (15 puntos; 6 rebotes; 8 asistencies) y Guillermo Mulero (15 puntos; 5 rebotes) lideraron a la victoria al Aquimisa Carbajosa. Per parte del Círculu Xixón Baloncestu destacó la espectacular actuación de Jabs Newby roblando un doble doble (23 puntos; 10 rebotes) siguíu d’Arturo Seara (10 puntos) y Alo Marín (10 puntos; 5 rebotes). De cara al alcuentru d’esti domingu, hai importantes cambeos respecto al partíu de la primer vuelta.
El Círculu Xixón Baloncestu pierde a trés xugadores por mancadures de llarga duración (Alejandro Rodríguez, Ángel Moru, Jabs Newby) de los cualos los dos últimos apostaron l’alcuentru de la primer vuelta, con mención especial pa l’actuación de Jabs Newby. El Círculu Xixón Baloncestu va cuntar cola presencia de Justinas Olechnavicius que nun formaba parte del plantel xixonés nel alcuentru de la primer vuelta y tamién recupera a Robert Swift tres superar el so periodu de baxa por mancadura.
L’Aquimisa Carbajosa preséntase en Xixón tres l’abultada derrota sufrida en
la última xornada énte’l Melilla Sport Capital Enrique Soler (48-75). Como visitante presenta un balance de 2 victories (Melilla Sport Capital Enrique Soler; Reina Yogur Clavijo CB) – 5 derrotes (Grupu Aliega Cantabria; Zentro Basket Madrid; Juaristi ISB; Catrest Intragas-Clima CDP; Enerdrink UDEA Alxecires Dam).
Les dos últimas derrotes provocaron la dimisión de Jesús Gutiérrez como técnicu del Aquimisa Carbajosa y el so relevu garrólu Avelino García qu’ocupaba’l puestu de segundu entrenador . Amás cuntará cola baxa de
Adrian O’Sullivan por una mancadura d’hombru y del so últimu fichaxe Jordan Blount procedente del ICG Força Lleida al nun tar inscritu na fecha orixinal del partíu.
L’Aquimisa Carbajosa iguó la so plantiya en base a la continuidá de 6 componentes de la pasada temporada (Alonso Ruíz, Arturo Cruz, Álex Rubiera, Ángel Hernández, Iker Barbero, Mamadou Dieye) más siete fichaxes (Carlos Hidalgo, Adrian O’Sullivan, Guillermo Muleru, Hjalmar Stefansson, Tomes Hilmarsson, Pablo Román, Alex Illikainen) pa una plantiya de 13 xugadores, destacando pola so amplitú de banquín, que tenía a la so disposición Jesús Gutiérrez antes de dexar l’equipu salmantinu siendo releváu por Avelino García. Cola temporada en cursu la plantiya sufrió una variación cola baxa de Pablo Román que se foi al C.B. Morón y el fichaxe de Miroslav Jakcic procedente del Trelleborg Basket.
L’Aquimisa Carbajosa cunta como bases con Arturo Cruz, Carlos Hidalgo y Alonso Ruíz.
Arturo Cruz (13 ppp; 5.4 rpp; 6.5 app), ye’l base titular del Aquimisa Carbajosa y xugador franquicia del conxuntu salmantinu. Base de 27 años y 1.84 m. Líder en asistencies de la LEB Plata. Cumple la so tercer temporada nel Aquimisa Carbajosa onde recaló procedente del Cáceres Patrimoniu de la Humanidá (2018/2019). Pieza fundamental nel ascensu llográu la pasada campaña onde promedió 13.9 ppp; 5.3 rpp; 4.8 app. Cinco temporaes en LEB Plata militando en Zornotza Saskibaloi Taldea (2013/2014; 2014/2015;
2015/2016); Carrefour “El Bulevar” de Ávila (2016/2017) y Basket Navarra (2017/2018).
Carlos Hidalgo (3.2 ppp; 4.5 rpp; 0.5 app), base de 23 años y 1.82 m., cumple la so primer temporada nel Aquimisa Carbajosa, en militando los cuatro últimes campañes nel Isover Basket Azuqueca promediando na postrera 11.7 ppp; 3.8 rpp; 3 app.
La posición de base la completa Alonso Ruíz (0 ppp; 0.2 rpp; 0.3 app), base de 21 años y 1.83 m., na so tercer temporada col Aquimisa Carbajosa. La pasada campaña promedió 1.1 ppp; 1.1 rpp; 0.5 app.
L’Aquimisa Carbajosa cunta con hasta cuatro escoltes como son: Adrian O’Sullivan, Álex Rubiera, Guillermo Mulero y Ángel Hernández.
Adrian O’Sullivan (4.7 ppp; 1.2 rpp), escolta irlandés de 27 años y 1.88 m., debuta n’España col Aquimisa Carbajosa. La pasada temporada militó n’Alemaña nes files del LOS TOS Ademax Rede Devils Bramsche.
Álex Rubiera (2.9 ppp; 0.7 rpp) ye la cara más conocida del Aquimisa Carbajosa pal Círculu Xixón Baloncestu. L’escolta xixonés de 22 años militó nel conxuntu dirixíu por Nacho Galán na temporada 2018/2019 na que supunxo’l so debú na categoría. Rubiera na so etapa col conxuntu xeométricu promedió 4.7 ppp; 1.4 rpp (1a Fase) y 3.5 ppp; 2.3 rpp (Fase Descenso) con una media en cada fase de 15 mpp. A pesar de la so curtia trayectoria profesional, Álex Rubiera, pasó por trés de los principales equipos de la nuesa rexón como son Círculo Xixón Baloncestu (2018/2019), dos etapes en Xixón Basket (2017/2018; 2019/2020) y el Pozu Sotón Basket Villa de Mieres 2012 (2016/2017). La pasada temporada col Noxtrum Xixón Basket, foi una de les sos referencies al pie de Fernando Noval, para promediar 16.8 ppp; 4.4 rpp. Pero la so etapa en Xixón Basket zarróse de forma antemanada, cuando a finales del mes de febreru, decidió abandonar l’equipu pa recalar nel Aquimisa Carbajosa, nuna decisión mal vista per parte de l’afición xixonesa. Col Aquimisa Carbajosa namás llegó a disputar un partíu roblando 3 puntos; 1 rebote por cuenta de la que foi la inminente suspensión de la competición pola crisis del COVID-19.
Guillermo Mulero (10.2 ppp; 3.6 rpp), escolta de 23 años y 1.91 m., procedente
del Real Murcia Baloncestu col que llogró l’ascensu a LEB Oru. Nel conxuntu pimentoneru promedió 2.7 ppp; 1.8 rpp
Ángel Hernández, escolta de 29 años y 1.95 m., nun xugó nengún partíu no que llevamos de temporada. Compatibiliza’l xuegu na cancha cola residencia de Cardioloxía en Salamanca. Con una esperiencia de 6 temporaes en LEB Oru en militando en C.B. Granada y Leyma Coruña.
Iker Barbero y Hjalmar Stefansson configuren la posición d’aleru en el Aquimisa Carbajosa.
Iker Barbero (0.9 ppp; 0.5 rpp), aleru de 28 años y 1.92 m., cumple la so segunda temporada nel Aquimisa Carbajosa na que tamién va suponer el so debú en LEB Plata.
Hjalmar Stefansson (6 ppp; 2.7 rpp), aleru islandés de 25 años y 2.00 m., procedente del Haukar Hafnarfjordur onde la pasada temporada promedió 7.3 ppp; 5.4 rpp.
La posición d’ala-pívot del Aquimisa Carbajosa ta formada por Tomas Hillmarsson, Mamadou Dieye más el postrer fichaxe Jordan Blount.
Tomas Hilmarsson (6 ppp; 5 rpp), ala-pívot islandés de 26 años y 2.01 m., procedente del Stjarnan onde la pasada temporada promedió 8.8 ppp; 8.2 rpp anque la so meyor temporada como profesional foi 2017/2018 onde robló 14.7 ppp; 9 rpp.
Mamadou Dieye (3.5 ppp; 2.9 rpp), ala-pívot senegalés de 28 años y 2.03 m., cumple la so cuarta temporada col Aquimisa Carbajosa. Novena temporada n’España, tres ocho en Lliga EBA, estrénase en LEB Plata.
Jordan Blount, ala-pívot irlandés de 24 años y 2.03 m., ye’l postrer fichaxe del Aquimisa Carbajosa, pero nun va poder xugar énte’l Círculu Xixón Baloncestu. Esta temporada estrenóse n’España nes files del Enerparking Basket Navarra (LEB Plata) y les sos bien bones prestaciones con 11.3 ppp; 4.7 rpp valiéron-y pa dar el saltu a LEB Oro col ICG Força Lleida, pero col conxuntu ilerdense namás apostó cuatro alcuentros con unes medies de 1.8 ppp; 1.3 rpp.
El xuegu interior del Aquimisa Carbajosa sufrió variación respecto al alcuentru de la primer vuelta. El cambéu producióse cola baxa de Pablo Román que recaló nel C.B. Morón y el fichaxe de Miroslav Jakcic. De tal forma que’l xuegu interior del Aquimisa Carbajosa ta integráu por Alex Illikainen y Miroslav Jakcic.
Alex Illikainen (13.1 ppp; 7 rpp), pívot estadounidense de 24 años y 2.06 m., procede de Minnesota Duluth University onde na so última temporada promedió 14 ppp; 6.7 rpp.
Miroslav Jakcic (5 ppp; 2.6 rpp), pívot serbio con nacionalidad canadiense de 25 años y 2.11 m., ye’l techu del Aquimisa Carbajosa onde recaló a principios del mes d’avientu procedente del Trelleborg Basket. Segunda etapa n’España yá que que na temporada 2019/2020 militó nel USAL L’Antigua (Lliga EBA) onde promedió 12.4 ppp; 5.2 rpp.
