Analizamos al C.A.M Enrique Soler

César Morales analízanos al nuesu próximu rival el Melilla Sport Capital Enrique Soler, de cara al alcuentru que’l Círculu Xixón Baloncestu, va apostar esti domingu nel Pabellón Guillermo García Pezzi, a partir de les 19:00.

Melilla Sport Capital Enrique Soler y Círculo Xixón Baloncestu enfréntense per primer vegada esta temporada, pero so l’efectu COVID-19, faenlo nel alcuentru de la segunda vuelta cuando inda nun se pudo apostar el partíu correspondiente a la primera, que finalmente s’apostará’l próximu miércoles 14 d’abril a partir de les 19:30 nel Palaciu de Deportes de Xixón.

El Círculu Xixón Baloncestu novenu clasificáu con un balance de 11 victories – 13 derrotes, mientres que MSC Enrique Soler ta 13u con 9 victories – 12 derrotes. El conxuntu melillense pol efectu COVID-19 ye l’equipu más perxudicáu, al atropar un total de cinco alcuentros aplazaos, y lleven ensin competir dende’l pasáu 27 de marzu cuando cayeron na cancha del Cat&Rest Clínica Ponferrada CDP (87-57).

El Melilla Sport Capital Enrique Soler presenta un balance como local de 7 victories – 3 derrotes. Les úniques derrotes del Melilla Sport Capital Enrique Soler na so cancha fueron énte’l Aquimisa Carbajosa (68-75), Juaristi ISB (78- 84) y Reina Yogur Clavijo CB (72-83). El conxuntu norteafricanu atropa una racha de seis victories consecutives nel Pabellón Guillermo García Pezzi.

El proyectu deportivu del Melilla Sport Capital Enrique Soler2020/2021 iguóse en base a la continuidá de cinco xugadoresLuis García, Eudaldo Imobach, Wasim El Otmani, Javier González y Daniel García. El conxuntu melillense realizó siete fichaxes: Michael Provenzano (Simon Fraser University), Erikas Kalinicenko (Enerdrink UDEA Algeciras Dam), Diego de Blas (Levitec Huesca), Kenny Ejim (Zornotza Saskibaloi Taldea), Javier Hernández (JAFEP Fundación GlobalCaja La Roda), Carlos Poyatos (Círculo Gijón Baloncesto) y Damian Prgomet (Southwest Baptist University). Amás el Melilla Sport Capital Enrique Soler utilizó esta temporada a trés componentes del equipu de Lliga EBA que milita nel Grupu D-A y que son Javier González, Antonio José Morales y Daniel Tarrón.

Los xugadores más importantes del Melilla Sport Capital Enrique Soler son Damian Prgomet, Erikas Kalinicenko y Luis García. Nel conxuntu melillense milita una cara bien conocida pa l’afición del Círculu Xixón Baloncestu como ye Carlos Poyatos que militó la pasada temporada nel conxuntu xixonés.
De siguío analizamos a los meyores xugadores del Melilla Sport Capital Enrique Soler.

Damian Prgomet (14.2 ppp; 6.1 rpp), pívot australianu con pasaporte croata de 24 años y 2.08 m., ye la estrella del Melilla Sport Capital Enrique Soler. Primer esperiencia profesional en rematando’l so ciclu universitariu en Southwest Baptist University onde na so última temporada promedió 13.2 ppp; 7.6 rpp. Cuartu xugador más valoráu y quintu máximu anotador nel Grupu Oeste.

Erikas Kalinicenko (11.7 ppp; 2.5 rpp), alero lituano de 23 años y 1.96 m., que torna al Melilla Sport Capital Enrique Soler onde yá militó na temporada 2018/2019 onde tamién formó parte del Melilla Baloncestu col que debutó en LEB Oru apostando 12 partíos. La pasada temporada militó nel Enerdrink UDEA Alxecires. Kalinicenko formó parte de les canteres del Lucentum Alicante y UCAM Murcia. Na temporada 2017/2018 xugó nel C.B. Cazorla Jaen Paraísu Interior onde coincidió con Ánxel Moru y Quarry Greenaway.

Luis García (9.5 ppp; 3.4 rpp; 5.5 app), base de 22 años y 1.90 m., cumple la so cuarta temporada nel Melilla Sport Capital Enrique Soler. 2u nel ranking d’asistencies nel Grupu Oeste. Formáu na cantera del Unicaja.

Carlos Poyatos (9.9 ppp; 5.1 rpp), ala-pívot de 26 años y 2.07 m., que la pasada temporada destacó nel Círculu Xixón Baloncestu. Na temporada 2014/2015 debutó en LEB Oru defendiendo los colores de la Palma Air Europa onde tuvo dos temporaes más (2015/2016; 2016/2017). Dende la temporada 2017/2018 Carlos Poyatos milita en LEB Plata pasando por Xuven Cambados (2017/2018), Hestia Menorca (2018/2019) y Círculo Xixón Baloncestu (2018/2019) previu a la so llegada esta temporada al MSC Enrique Soler.

Kenny Ejim (10 ppp; 4.4 rpp), aleru canadiense de nacionalidá nixeriana de 26 años y 1.98 m., que na temporada 2018/2019 militó nel Huniko Xixón Basket al pie del so hermanu Ryan. Kenny Ejim recaló esta temporada nel MSC Enrique Soler procedente del Zornotza Saskibaloi Taldea. La so llegada a España producióse na temporada 2018/2019 al Aquimisa Laboratorio-Queso Zamoranu (LEB Plata) previu a la so incorporación al Huniko Xixón Basket (Lliga EBA) onde promedió 20.3 ppp; 6.8 rpp.

El Melilla Sport Capital Enrique Soler presenta la siguiente estructura de
plantiya.
Bases :Luis García y Michael Provenzano.
Escoltes :Eudaldo Imobach y Wasim El Otmani.
Aleros :Erikas Kalinicenko, Diego de Blas y Kenny Ejim. Ala-Pívots: Carlos Poyatos y Javier Hernández.
Pívots :Damian Prgomet y Javier González
Entrenador :Francisco Javier Nieto.

Primer alcuentru na hestoria ente Círculo Xixón Baloncestu y Melilla Sport Capital Enrique Soler, pa volver vese les cares el próximu miércoles nel Palaciu de Deportes de Xixón y apostar el partíu aplazáu hasta en trés ocasiones y correspondiente a la última xornada de la primer vuelta.