César Morales analízanos al nuesu próximu rival el NCS Alcobendas, de cara al alcuentru que’l Círculo Gijón Baloncesto, va apostar güei nel Palaciu los Deportes de Xixón a partir de les 20:00.
El Círculo Gijón Baloncesto repite como llocal recibiendo al NCS Alcobendas tres sumar la tercer victoria de la temporada tres imponese tamién nel Palaciu los Deportes de Xixón al C.B. Morón (92-73). El Círculo Gijón Baloncesto sigue imbatíu na so cancha acumulando un plenu de trés victories. El conxuntu de Nacho Galán recupera pa esti alcuentru a Justinas Olechnavicius, ausente énte’l C.B. Morón por nun tar inscritu na fecha orixinal del alcuentru. Les baxes del conxuntu xixonés son Alejandro Rodríguez, Ángel Moro y Robert Swift. Javi Lucas arrastra la mancadura en dos costielles del alcuentru énte’l C.B. Marbella pero pola evolución de la mesma, va probase na rueda de calentamientu.
El NCS Alcobendas debuta esta temporada en LEB Plata tres certificar l’ascensu per segunda temporada consecutiva dende Lliga EBA anque’l correspondiente a 2018/2019 nun se certificó por cuestiones económiques.
El NCS Alcobendas va ser el tercer equipu debutante al que s’enfrentará’l Círculo Gijón Baloncesto tres les derrotes sufiertes nes visites a les canches del Aquimisa Carbajosa y Zentro Basket Madrid.
El proyectu deportivu 2020/2021 iguóse en base a la continuidá de David Marina, Sebastian Mbansogo, Mike Young, Álex Fortes, Edu Martínez, Jorge Parra y Iago Ibáñez más los fichaxes de Jahvaughn Powell (Juaristi ISB), David Navarro (C.B. Cazorla), Jhan Paul Mejia (C.B. Villarrobledo), Jorge Tejera (JAFEP Fundación GlobalCaja La Roda), David Ávila (Lujisa Guadalaxara Basket) y Filip Krajina (JAFEP Fundación GlobalCaja La Roda).
Cola temporada en cursu, David Navarro, abandonó la disciplina del NCS Alcobendas para recalar nel Autocares Rodríguez Daimiel (Lliga EBA).
El NCS Alcobendas nun conoz la victoria como visitante, sumando los sos cuatro partíos por derrota, énte Zentro Basket Madrid (93-66), Juaristi ISB (106-74), Reina Yogur Clavijo CB (79-61) y Cat&Rest Intragas-Clima CDP (79-68).
El NCS Alcobendas cunta con una tripleta de bases integrada por Jahvaughn Powell, Sebastian Mbansogo y David Ávila.
Jahvaughn Powell (11.5 ppp; 2 rpp; 3.5 app), base estaoxunidense con nacionalidá xamaicana de 24 años y 1.83 m., qu’esta temporada recaló nel NCS Alcobendas tres militar les últimes dos campañes nel Juaristi ISB. La so meyor temporada foi la del so debú con Juaristi ISB onde promedió 14.9 ppp; 2.6 rpp; 4.6 app (1a Fase) y 12.7 ppp; 2.8 rpp; 4.3 app (2a Fase).
Sebastian Mbansogo (6.3 ppp; 2.2 rpp; 3 app), base de 25 años y 1.85 m., cumple la so cuarta temporada nel NCS Alcobendas. Mbansogo debutó en LEB Plata na temporada 2014/2015 col Viten Xetafe. Na temporada 2015/2016 llogró l’ascensu a LEB Plata col Seguros Soliss Alcazar Basket.
David Ávila (2.6 ppp; 1.1 rpp; 1 app), base de 25 años y 1.82 m., procedente del Lujisa Guadalaxara Basket onde militó los trés últimes temporaes. David Ávila estrena esta temporada en LEB Plata col NCS Alcobendas.
Na posición d’escolta del NCS Alcobendas cunta con Jorge Parra y Edu Martínez.
Jorge Parra (11.7 ppp; 3.6 rpp), aleru de 22 años y 1.91 m., fai la so quinta temporada nel NCS Alcobendas.
Edu Martínez (6.2 ppp; 1.3 rpp), escolta de 24 años y 1.92 m., tercer temporada nel NCS Alcobendas. Na temporada 2016/2017 llogró l’ascensu a LEB Plata col ZTE Real Canoe N.C. debutando col conxuntu madrilanu a la siguiente campaña na categoría.
Mike Young y David Marina configuren la posición d’aleru nel NCS Alcobendas.
Mike Young (7.1 ppp; 1.6 rpp), aleru de 30 años y 1.98 m., fai la so cuarta temporada nel NCS Alcobendas nel que pa él ye’l so regresu a la LEB Plata onde yá militó defendiendo los colores del Carrefour “El Bulevar” d’Ávila (2014/2015; 2015/2016).
David Marina (7 ppp; 1.6 rpp), alero de 32 años y 2.03 m., tercer temporada nel NCS Alcobendas. Formáu na cantera del Real Madrid onde tuvo diez temporaes pasando pol so filial que militó en Lliga EBA, LEB Bronce y LEB Plata. La temporada 2017/2018 tuvo inactivu en rematando la so etapa col filial del Real Madrid.
La posición d’ala-pívot en el NCS Alcobendas ta integrada por Jorge Tejera
y Jhan Paul Mejía.
Jorge Tejera (8.7 ppp; 4.3 rpp), ala-pívot de 28 años y 2.00 m., tornó esta temporada al NCS Alcobendas onde yá militó mientres les campañes 2014/2015 y 2015/2016, pero na postrera nun la completó al terminala en LEB Plata col Carrefour “El Bulevar” d’Ávila. El so pasu pol conxuntu abulense supunxo’l so debú en LEB Plata. Dempués dos temporaes nel Isover Basket Azuqueca (2016/2017; 2017/2018) para na última campaña militar nel JAFEP Fundación GlobalCaja La Roda onde coincidió con Filip Krajina.
Jhan Paul Mejía (3.1 ppp; 1.3 rpp), ala-pívot colombianu cola condición de xugador de formación de 26 años y 2.08 m., procedente del C.B.Villarrobledo.
La so llegada a España producióse para formar parte de la cantera del Estudiantes. Dempués foi pa los EE.XX. pa la so formación universitaria pasando por Northeastern Oklahoma AM College, Call State Fullerton y Charleston University. Na temporada 2018/2019 tornó a España pa militar nel GlobalCaja Quintanar (Lliga EBA). La pasada temporada debutó en LEB Plata col C.B. Villarrobledo.
El xuegu interior del NCS Alcobendas ta compuestu por Filip Krajina y Álex Fortes.
Filip Krajina (11.4 ppp; 6.4 rpp), pívot croata de 25 años y 2.09 m. Referencia interior del NCS Alcobendas na so primer temporada nel equipu onde recaló dende’l JAFEP Fundación GlobalCaja La Roda. En Croacia militó nos siguientes equipos: KK Vrijednosnice Osijek, KK Alkar Sinj y BC Adria Oil Skrljevo. Na temporada 2018/2019 xugó en Eslovenia con BK Slavia Zilina pa terminala de vuelta a Croacia con BC Adria Oil Skrljevo.
Álex Fortes (5.2 ppp; 2.2 rpp), pívot de 30 años y 2.04 m., fai la so quinta temporada nel NCS Alcobendas. Tres 9 temporaes xugando en Lliga EBA esta campaña, al igual que’l NCS Alcobendas, debuta en LEB Plata. La so esperiencia en Lliga EBA abarca C.B. Chantada Galicia Vento (3 temporaes), Eurocolegio Casvi (2 temporaes) y NCS Alcobendas (4 temporaes).
José Antonio Ramírez, técnicu madrilanu de 51 años, dirixe per séptima temporada consecutiva al NCS Alcobendas, col hestóricu llogru de llevar al conxuntu madrilanu a LEB Plata.
