César Morales analízanos al nuesu próximu rival el C.B. Marbella, de cara al alcuentru que’l Círculu Xixón Baloncestu, va apostar esti miércoles nel Polideportivu Bellu Horizonte “Carlos Cabeces”, a partir de les 19:00.
El Círculu Xixón Baloncestu encara’l so décimu desplazamientu de la temporada pa visitar la cancha del C.B. Marbella. Alcuentru correspondiente a la Xornada 15 que foi aplazáu’l pasáu 23 de xineru de resultes de los positivos por COVID-19 qu’afectaron al Círculu Xixón Baloncestu.
El Círculu Xixón Baloncestu vien de sumar la so segunda derrota como local en cayendo na última xornada énte la Reina Yogur Clavijo CB tres un surrealista final, onde’l conxuntu xixonés a falta de 9 segundos y más posesión de balón con 74-72, vio como Arturo Seara perdió incomprensiblemente un balón, siendo recuperáu por Rodrigo Gómez p’asistir a Albert Lafuente y con un llanzamientu dende 12 metros a falta de dos décimes dar la victoria al conxuntu rioxanu (74-75).
Segunda temporada del C.B. Marbella en LEB Plata, tres una primer na qu’apostó la Fase de Descensu, antes de la suspensión de la competición de resultes de la crisis por COVID-19.
Nel alcuentru de la primer vuelta apostáu nel Palaciu de Deportes de Xixón, victoria del Círculu Xixón Baloncestu (74-69). Arturo Seara (19 puntos) lideró al Círculu Xixón Baloncestu siguío de Alo Marín (17 puntos; 5 rebotes) y Jabs Newby (16 puntos; 3 rebotes). Porl C.B. Marbella destacaron David Knudsen (16 puntos; 5 rebotes), Adrián Fuentes (14 puntos) y Devin Wright (12 puntos; 8 rebotes).
El C.B. Marbella como visitante presenta un balance de 4 victories (Enerdrink
UDEA Algeciras Dam; Melilla Sport Capital Enrique Soler; Reina Yogur Clavijo CB, Aquimisa Carbajosa) – 3 derrotes (Zentro Basket Madrid; Juaristi ISB; Cat&Rest Clínica Ponferrada CDP).
Esta temporada’l cambéu más importante pal C.B. Marbella vien reflexáu nel alcuerdu de vinculación con Unicaja dexando disponer de los nuevos valores de la cantera malacitana, como nesti casu asocede con Pablo Sánchez, Jeffrey Godspower ya Ismael Timba.
El C.B. Marbella 2020/2021 iguó’l so proyectu deportivu en base a la continuidá de 5 xugadores (Adrián Fuentes; Lucas Muñoz; Taylor Cameron; Pablo Ibáñez; Kenan Karahodzic) más 6 fichaxes (Pablo Sánchez; David Kundsen; Jeffrey Godspower; Ismael Tamba; Luka Majstorovic; Devin Wright) de los cualos trés recalen en calidá de cedíos por Unicaja (Pablo Sánchez; Jeffrey Godspower; Ismael Timba).
El conxuntu marbellí realizó apocayá’l fichaxe de Nikola Cvorovic (KK Kolubara Lazarevac 2003), aleru serbiu de 27 años y 2.01 m., qu’inda nun debutó col C.B. Marbella y que tampoco lo podrá faer énte’l Círculu Xixón Baloncestu, al igual qu’asocede con Quarry Greenaway, al nun tar dambos inscritos nes respectives plantiyes na fecha orixinal del alcuentru.
La dirección de xuegu del C.B. Marbella ta formada por Adrián Fuentes, Lucas Muñoz y Pablo Sánchez.
Adrián Fuentes (11.9 ppp; 2.3 rpp; 2.8 app), base de 34 años y 1.83 m., una de les estrelles del C.B. Marbella y pieza diferencial. La so esperiencia ye un grau pal conxuntu marbellí, respondíu por polos sos ocho temporaes en LEB Oru, militando n’Institutu de Fertilidá Clíniques Rincón, Palencia Baloncestu, Iberostar Canaries, LOBE Huesca, Planasa Navarra, Melilla Baloncestu y ZTE Real Canoe N.C. Formáu na cantera d’Unicaja dende Cadete a 1ª Nacional. Adrián Fuentes cumple la so segunda temporada nel C.B. Marbella na que ye la so séptima temporada en LEB Plata. Na temporada 2009/2010 debutó en ACB col Xacobeo Blu:Sens Obradoiro, pero la mala suerte namá-y dexó apostar siete alcuentros, al sufrir una mancadura de rodía nel mes de marzu dempués de recalar nel conxuntu gallegu en xineru procedente del Institutu Fertilidá Clíniques Rincón.
Pablo Sánchez (7.1 ppp; 2.2 rpp; 1.6 app), base de 18 años y 1.89 m., cumple la so primer temporada nel C.B. Marbella procedente del Unicaja en calidá de cedíu
Lucas Muñoz (7.5 ppp; 1.5 rpp; 2.3 app), base de 20 años y 1.80 m., completa la dirección de xuegu del C.B. Marbella. Formáu na cantera del Unicaja onde ingresó n’edá cadete pa rematar la so vinculación como junior. Debutó con Unicaja en Liga Endesa na temporada 2018/2019. Cumple la so segunda temporada col C.B. Marbella.
David Knudsen y Taylor Cameron configuren la posición d’escolta nel C.B. Marbella.
David Knudsen (15.2 ppp; 3 rpp), escolta danés de 26 años y 1.90 m., tercer máximu anotador del Grupu Oeste nun ranking lideráu por Alo Marín. Primer temporada n’España procedente del EN Baskets Schwelm (Alemania-Pro B) donde promedió la pasada campaña 15.3 ppp con 45%-T3.
Taylor Cameron (8.2 ppp; 3.3 rpp), escolta estadounidense de 29 años y 1.96 m., cumple la so segunda temporada nel C.B. Marbella onde recaló procedente del Aceitunas Fragata Morón (2017/2018; 2018/2019). Quinta temporada n’España, el so primer equipu foi’l Forus-Medac Basket (Lliga EBA) na campaña 2016/2017. Formáu en Winona State University. Rematáu’l so ciclu universitariu empecipió la so carrera profesional fora d’O.S.A. recalando n’Australia nes files de Kilsyth Cobres (2014/2015; 2015/2016) pasu previu a la so llegada a España.
Los aleros del C.B. Marbella son Jeffrey Godspower, Pablo Ibáñez y Nikola Cvorovic.
Jeffrey Godspower (2.4 ppp; 3.2 rpp), aleru de 18 años y 1.98 m. d’ascendencia nixeriana, primer temporada en el C.B. Marbella cedíu por Unicaja.
Pablo Ibáñez (4.8 ppp; 1.8 rpp), aleru de 27 años y 1.98 m., cumple la so segunda temporada nel C.B. Marbella. Formáu na cantera del Unicaja. 7 temporaes en Lliga EBA militando en C.B. Novaschool, MEDAC Basket y Framasa Deportivu Coin. El saltu a LEB Plata col C.B. Marbella producióse gracies a la so gran temporada col Framasa Deportivu Coin onde promedió 16.3 ppp; 4.6 rpp (Amiesta Regular) y 13.5 ppp; 4.1 rpp (DC).
Nikola Cvorovic, aleru serbio de 27 años y 2.01 m., últimu fichaxe del C.B.
Marbella que tovía nun debutó y nun lu va poder facer énte’l Círculu Xixón Baloncestu. La pasada temporada militó en KK Kolubara Lazarevac 2003 promediando 11.7 ppp; 5.2 rpp.
Kenan Karahodzic e Ismael Tamba configuren la posición d’ala-pívot nel C.B. Marbella.
Kenan Karahodzic (6.2 ppp; 3.8 rpp), ala-pívot serbiu nacionalizáu bosniu de 25 años y 2.09 m., cumple la so segunda temporada nel C.B. Marbella onde recaló la pasada campaña en incorporándose procedente del Igualatorio Cantabria Estela nel mes de febreru. Formáu nes categoríes del KK Spartak Subotica hasta qu’el Unicaja incorporólu a la so cantera a la edá de 15 años. Debutó en LEB Oru col Institutu de Fertilidá Clíniques Rincón (2014/2015) nun pudiendo evitar el descensu a LEB Plata onde xugó na campaña 2015/2016. El Unicaja venció a Kenan Karahodzic al Partizan Belgrado pa la temporada 2016/2017. El so regresu a España vieno en forma d’una nueva cesión pa militar na Unión Financiera Baloncesto Uviéu (2017/2018). Tres el so pasu per Uviéu, el Unicaja decidió desvenceyase de
Kenan Karahodzic que cola carta de llibertá recaló nel Levitec Huesca. La temporada 2019/2020 comenzó para Kenan Karahodzic en el Igualatorio Cantabria Estela para finalizarla en el C.B. Marbella.
Ismael Tamba (3.5 ppp; 2.5 rpp), ala-pívot de 19 años y 1.99 m., d’ascendencia gambiana per vía paterna. Primer temporada nel C.B. Marbella recalando en calidá de cedíu por Unicaja. Con 18 años 5 meses y 29 díes debutó con Unicaja en Liga Endesa. Formáu na cantera de Unicaja onde ingresó en terminando la so etapa cadete na Ponte Genil. La pasada temporada nel Unicaja Andalucía (Lliga EBA) promedió 13.6 ppp; 4.5 rpp (Amiesta Regular) y 15.5 ppp; 6.5 rpp (DP).
El C.B. Marbella cuenta con Devin Wright y Luka Majstorovic como pívots.
Devin Wright (10.1 ppp; 6 rpp), pívot de 34 años y 2.01 m., procedente del Liberbank Uviéu Baloncestu. Devin Wright xugó en toles categoríes de la FEB (Lliga EBA, LEB Bronce, LEB Plata, LEB Oru). Nel so palmarés figuren dos ascensos, el primeru a Liga Endesa col BC River Andorra (2012/2013) y el segundu col Covirán Granada llogrando l’ascensu a LEB Oru (2017/2018). 8 temporaes en LEB Oru (BC River Andorra; Melilla Baloncestu; Cafés Candelas Breogán; Ourense Río Termal; Covirán Granada; Liberbank Uviéu Baloncestu). 4 temporaes en LEB Plata (Fundación Adepal Alcazar; BC River Andorra; Covirán Granada; C.B. Marbella). 1 temporada en LEB Bronce (Merida Patrimonio de la Humanidad). 2 temporaes en Lliga EBA (C.B. Granada). La pasada temporada Devin Wright militó nel Liberbank Uviéu Baloncestu, cuayando una fluexa temporada con unes medies estadístiques de 4.5 ppp; 3.8 rpp. Con contratu a valir para la temporada 2020/2021, les dificultaes presupuestaries del Liberbank Uviéu Baloncestu obligaron al so rescisión, lo que favorezo’l fichaxe de Devin Wright pol C.B. Marbella.15 temporaes en competiciones FEB pa militar nun total de 10 equipos.
Luka Majstorovic (5.7 ppp; 3.7 rpp), pívot serbio de 25 años y 2.06 m., procedente d’Embry-Riddle University onde remató’l so ciclu universitariu. La so última temporada universitaria promedió 17.7 ppp; 8.7 rpp; 2.7 tpp.
Rafa Piña dirige al C.B. Marbella tres facese cargu del equipu a principios del mes de xineru, cola destitución de Javier Florido, que dirixió al conxuntu marbellí mientres les primeres quince xornaes de la pasada temporada. Rafa Piña taba dirixiendo al CAB Estepona que finalmente llogró un históricu ascensu a Lliga Femenina 2.
El Círculu Xixón Baloncestu va cuntar coles baxes de Quarry Greenaway y Jaime Llano.
