César Morales analízanos al nuesu próximu rival el C.B. Morón, de cara al alcuentru que’l Círculu Xixón Baloncestu, va apostar esti miércoles nel Pabellón Alamea de Morón de la Frontera a partir de les 19:00.
El Círculu Xixón Baloncestu cola racha de dos victories consecutives énte Aquimisa Carbajosa y Zentro Basket Madrid, vuelve encarar l’asignatura pendiente de tratar de sumar la so primer victoria a domiciliu no que llevamos de temporada. La xornada intersemanal va suponer un llargu desplazamientu pal Círculu Xixón Baloncestu hasta Morón de la Frontera. El conxuntu de Nacho Galán con 6 victories nel so casilleru va encarar l’alcuentru cola baxa de Marcos Portález.
El C.B. Morón cumple la so sesta temporada consecutiva en LEB Plata.
El proyectu deportivu 2020/2021 iguóse en base a la continuidá de Sergio Cecilia, Diego Gallardo, José Antonio Marco y Alejandro Rodríguez más seis fichaxes con Carlos Apolinario (Arcos Albacete Basket), José Alberto Jiménez (C.B. Marbella), Adama Lo (Baloncesto Alcalá), Francisco Javier Márquez (Alba IBS-C.B. Utrera) y Pablo Martínez (Huelva).
La temporada y la trayectoria del C.B. Morón provocó innumberables cambeos na so plantiya. Dende’l relevu nel banquín con Eloy Ramírez sustituyendo a Antonio López que tres trés temporaes al frente del conxuntu andaluz, por cuestiones personales decidió acordies col club, dexar de ser entrenador del conxuntu de Morón de la Frontera. Antonio López dirixió al equipu en trés partíos nun llogrando conocer la victoria xuníu a la contundente derrota sufrida na cancha del Aquimisa Carbajosa (84-48). Les baxes na plantiya de José Antonio Marco, Carlos Apolinario, Adama Lo y Gullit Mukendi. 4 baxes que vinieron acompañaes de 5 fichaxes. Les nueves incorporaciones del C.B. Morón son: Luka Kraljic (Sagrado Corazón Lithium Iberia), Pablo Román (Aquimisa Carbajosa), Joe-Junior Mvuezolo (Enerdrink UDEA Algeciras dam), Sigfredo Casero (Okapi Aalstar) y Bertrand Awana (BMS Herlen Wolfpack)
El C.B. Morón como llocal nel Pabellón Alameda presenta un balance de 3 victories (Enerdrink UDEA Algeciras Dam; Melilla Sport Capital Enrique Soler; NCS Alcobendas) – 4 derrotes (Cat&Rest Clínica Ponferrada CDP; C.B. Marbella; Juaristi ISB; Reina Yogur Clavijo CB).
El C.B. Morón sumó na última xornada la so primer victoria de la temporada como visitante al vencer al Enerdrink UDEA Algeciras Dam (75-81)
La dirección de xuegu del C.B. Morón ta integrada por Sigfredo Casero y Pablo Martínez. Nesta posición producióse la baxa José Antonio Marco y el fichaxe del base cubanu Sigfredo Casero.
Sigfredo Casero (14 ppp; 2.6 rpp; 1.6 app), base cubanu de 24 años y 1.84 m., procedente del Okapi Aalstar (Bélgica) onde militó les dos últimes temporaes. Con sólo trés encuentros disputaos col C.B. Morón se
convierte nel so máximu anotador en media estadística.
Pablo Martínez (3.5 ppp; 0.4 rpp; 0.4 app), base de 23 años y 1.85 m., procedente del Huelva (Liga EBA) completa la posición de bases del C.B. Morón. La so llegada al conxuntu de Morón de la Frontera supunxo pa Pablo Martínez el so debú en LEB Plata.
El C.B. Morón sólo dispón d’un escolta específicu como ye Diego Gallardo.
Diego Gallardo (13.2 ppp; 1.6), escolta de 25 años y 1.92 m., cumple la so segunda temporada nel C.B. Morón para un total de seis en LEB Plata tres militar tamién en C.B. Tarragona (2015/2016; 2016/2017), Torrons
Vicens-C.B. L ́Hospitalet (2017/2018) y C.B. Extremadura Plasencia (2018/2019).
La posición d’aleru ta formada por José Alberto Jiménez, Sergio Cecilia y Joe-Junior Mvuezolo.
José Alberto Jiménez (9.4 ppp; 3.2 rpp), aleru de 24 años y 1.98 m., regresa al C.B. Morón onde militó mientres dos temporaes (2016/2017; 2017/2018). Sesta temporada en LEB Plata pa José Alberto Jiménez en pasando por Carrefour “El Bulevar” d’Ávila (2015/2016), la so primer etapa nel C.B. Morón (2016/2017; 2017/2018), Basket Navarra (2018/2019; 2019/2020) y C.B. Marbella (2019/2020). La pasada temporada empecipióla nel Basket Navarra pa rematar en C.B. Marbella que la so incorporación se produció a finales del pasáu mes de payares.
Sergio Cecilia (2.9 ppp; 2.4 rpp), aleru de 20 años y 1.98 m., cumple la so tercer temporada col C.B. Morón.
Joe-Junior Mvuezolo (7.7 ppp; 2.9 rpp), aleru británicu de 25 años y 1.98 m., que recaló nel C.B. Morón denede’l Enerdrink UDEA Algeciras Dam onde taba promediando 8.7 ppp; 2 rpp.La so llegada producióse a principios del mes d’avientu.
Francisco Javier Márquez y Alejandro Rodríguez configuren la pareya d’ala- pívots del C.B. Morón.
Francisco Javier Márquez (9.7 ppp; 2.7 rpp), ala-pívot de 21 años y 2.03 m., debuta en LEB Plata col C.B. Morón y ye’l xugador más destacáu del equipu tres la disputa de dos xornaes. Les tres últimes temporaes defendió los colores del C.B. Utrera (Liga EBA).
Alejandro Rodríguez (13.2 ppp; 5 rpp), ala-pívot de 22 años y 2.00 m., capitán del C.B. Morón cumpliendo la so quinta temporada nel equipu.
El xuegu interior del C.B. Morón ta integráu por Luka Kraljic, Pablo Román y Bertrand Awana. Ye la posición onde más cambeos esperimentó’l C.B. Morón dende l’aniciu de la temporada. Les baxes d’Adama Lo y Gullit Mukendi más los fichaxes de Pablo Román (Aquimisa Carbajosa) y Bertrand Awana (BMS Herlev Wolfpack).
Luka Kraljic (3.8 ppp; 2.8 rpp), pívot serbiu de 22 años y 2.03 m, nun va poder apostar l’alcuentru énte’l Círculu Xixón Baloncestu por nun pertenecer a la plantiya andaluza na fecha orixinal del partíu. Los sos dos últimes temporaes en Lliga EBA militando nes files del C.B. Martos (2019/2020) y l’actual campaña que la empecipió nel Sagrado Corazón Lithium Iberia, sirviéronlu de trampolín pa debutar en LEB Plata. Con C.B. Martos promedió 13.2 ppp; 9.2 rpp mientres que col Sagrado Corazón Lithium Iberia les sos medies fueron de 13.5 ppp; 9.7 rpp.
Pablo Román (8.5 ppp; 3.3 rpp), pívot de 25 años y 2.06 m., que recaló nel C.B. Morón procedente del Aquimisa Carbajosa col que promedió 8.6 ppp; 3 rpp y col añedíu que yá s’enfrentó esta temporada al Círculu Xixón Baloncestu cuando militaba nel conxuntu carbaxosinu, onde na primer xornada, robló siete puntos.
Bertrand Awana (4 ppp; 5 rpp), pívot camerunés de 24 años y 2.03 m., procedente del BMS Herlev Wolfpack (Dinamarca), que debutó na última xornada con victoria énte’l Enerdrink UDEA Algeciras Dam.
El Círculu Xixón Baloncestu va visitar per segunda vegada al C.B. Morón, en enfrentándose per primer vegada la pasada temporada na Fase de Descensu, con victoria del C.B. Morón (70-62).
