Analizamos al Juaristi ISB

César Morales analízanos al nuesu próximu rival el Juaristi ISB, de cara al alcuentru que’l Círculu Xixón Baloncestu, va disputar esti sábadu nel Palaciu de Deportes de Xixón a partir de les 20:00.

El Círculu Xixón Baloncestu recibe al Juaristi ISB tres la derrota sufrida na cancha del C.B. Morón na xornada intersemanal disputada esti miércoles. El conxuntu de Nacho Galán vió cortada una racha de dos victories consecutives y sigue ensin ganar llueñe del Palaciu de Deportes de Xixón. La baxa de Marcos Portález xuníu a l’amenorgada rotación al presentase con 8 xugadores fueron factores que conducieron a la derrota énte’l C.B. Morón.

El Juaristi ISB ye’l líder en solitariu del Grupu Oeste con un balance de 14 victories – 3 derrotes. Como visitante presenta un balance de 6 victories – 3 derrotes. Invictu como llocal nel Polideportivu Municipal d’Azkoitia. Les úniques derrotes del Juaristi ISB produciéronse nos desplazamientos a les canches del Cat&Rest Clínica Ponferrada CDP (75-64), Reina Yogur Clavijo CB (80-74) ya Innova Chef (83-82).

Nel alcuentru de la primer vuelta, victoria del Juaristi ISB (91-77). El conxuntu de la localidá de Azpeitia tuvo lideráu por Kevin Buckingham (19 puntos; 3 rebotes), Deion Bute (16 puntos; 3 rebotes), Ander Merketegui (13 puntos; 3 rebotes) y Beñat Hevia (11 puntos). El Círculu Xixón Baloncestu tuvo lideráu por Javi Lucas (19 puntos; 8 rebotes) seguido de Ángel Moro (13 puntos), Alo Marín (13 puntos) y Marcos Portález (10 puntos).

El Juaristi ISB revalidó’l títulu de Campeón de la Copa LEB Plata al superar na final d’esta temporada al F.C. Barcelona B (82-84), sumando’l so segundu títulu consecutivu tres el llográu la pasada campaña énte’l Basquet Girona (74-69).
El proyectu deportivu del Juaristi ISB 2020/2021 iguóse en base a la continuidá de Ibon Guridi, Beñat Hevia, Ierai Aizpitarte y Manex Ansorregui más los 6 fichaxes : Ondrej Hanzlik (TD Systems Baskonia), Pavel Savkov TD Systems Baskonia), Iñigo Royo (TD Systems Baskonia), Deion Bute (Hestia Menorca), Kevin Buckingham (Southeastern Oklahoma State University) y Manny Suárez (CEB Puerto Montt). De los seis fichaxes, trés d’ellos como son Ondrej Hanzlik, Pavel Savkov e Iñigo Royo, recalen nel Juaristi ISB en calidá de cedíos pol TD Systems Baskonia.

El Juaristi ISB cunta con tres bases: Beñat Hevia, Ander Merketegi y Ierai Aizpitarte.

Beñat Hevia (5.1 ppp; 2.5 rpp; 2.8 app), base de 25 años y 1.76 m., cumple la so tercer temporada nel Juaristi ISB. Formáu nel Easo. Debutó en LEB Plata col Askatuak na temporada 2013/2014. Dempués dio’l saltu a O.S.A. pa formase en Cuesta College y Dalton State University pa tornar a España y recalar nel Juaristi ISB dende la temporada 2018/2019.

Ander Merketegi (3.1 ppp; 1.3 rpp; 1.8 app), base de 22 años y 1.86 m. cumple la so segunda temporada nel Juaristi ISB que llegó procedente del Ordizia- Basoa Banaketak (Liga EBA).

Ierai Azpitarte (1.1 ppp; 0.5 rpp; 0.8 app), base de 20 años y 1.80 m., tan solo lleva xugaos 17 segundos que tuvieron llugar na Xornada 2 énte’l Cat&Rest Intragas-Clima CDP. A pesar de la so mocedá cumple la so quinta temporada nel conxuntu azpeitarra, llegando a debutar en LEB Oro na temporada 2017/2018.

Ibon Guridi, Ondrej Hanzlik y Pavel Savkov configuren la posición d’ escolta del Juaristi ISB.

Ibon Guridi (9.8 ppp; 2.5 rpp), escolta de 28 años y 1.93 m., capitán del Juaristi ISB cumpliendo la so séptima temporada nel conjunto azpeitarra. 6 temporaes en LEB Plata. Campeón LEB Plata 2016/2017 llogrando l’ascensu a LEB Oro onde Guridi s’estrenó na temporada 2017/2018.

Ondrej Hanzlik (9.1 ppp; 1.4 rpp), escolta checu de 18 años y 1.93 m., que recaló nel Juaristi ISB en calidá de cedíu pol TD Systems Baskonia. Con 14 años llegó a Vitoria ficháu por Baskonia pa incorporase a la so cantera na Fundación 5+11. Formáu en BA Sparta Praga, la so llegada a Vitoria producióse dende BA Nymburk. La pasada temporada foi escoyíu’l meyor xugador nuevu de la Lliga EBA col Baskonia promediando 15.2 ppp; 3.9 rpp. Hanzlik ye una de les xoyes de la cantera del TD Systems Baskonia y la so vinculación col conxuntu baskonista foi por mediu d’un contratu con una duración d’ocho temporaes. Quinta temporada n’España. Internacional pola República Checa en categoríes inferiores destacando la so participación nel EuroBasket O16 Sarajevo 2018 División B onde promedió un doble doble con 16.5 ppp; 10.9 rpp.

Pavel Savkov (13.2 ppp; 2.5 rpp), escolta rusu de 18 años y 2.00 m., como Hanzlik recaló nel Juaristi ISB en calidá de cedíu pol TD Systems Baskonia. Formáu nel Dinamo Moscu. El so fichaxe por Baskonia producióse na temporada 2018/2019 pa militar mientres trés temporaes na cantera baskonista previu a la so cesión al Juaristi ISB. La pasada temporada col Baskonia EBA promedió 12.2 ppp; 3.3 rpp. Internacional con Rusia en categoríes inferiores. Campeón EuroBasket O16 Sarajevo 2018 División B siendo escoyíu MVP promediando 15.9 ppp; 8 rpp; 2.5 app. La so gran actuación nel EuroBasket O16 División B foi’l trampolín pal so fichaxe por Baskonia.

La posición d’alero en el Juaristi ISB ta integrada por Iñigo Royo y Manex
Ansorregui.

Iñigo Royo (5.3 ppp;2.2 rpp), aleru de 20 años y 2.00 m., procedente del TD Systems Baskonia recalando en calidá de cedíu. Na cantera del Baskonia dende edá Infantil (2013/2014). La pasada campaña col Baskonia EBA promedió 9.6 ppp; 5 rpp. El so debú en LEB Plata producióse na temporada 2018/2019 col Grupo Eleyco Baskonia.

Manex Ansorregui (4.7 ppp; 2.6 rpp), aleru de 18 años y 1.95 m., cumple la so segunda temporada nel Juaristi ISB.
Kevin Buckingham ye l’únicu ala-pívot específicu del Juaristi ISB.

Kevin Buckingham (16 ppp; 3.8 rpp), ala-pívot estadounidense de 23 años y 1.98 m., procedente de Southeastern Oklahoma State University. Rematao’l so ciclu universitariu (2016/2017; 2017/2018; 2018/2019; 2019/2020) encara la so primer esperiencia profesional fora d’O.S.A. col Juaristi ISB. Les sos dos últimes temporaes destacaron pola so capacidá anotadora promediando 21.6 ppp (18/19) y 21 ppp (19/20).

El xuegu interior del Juaristi ISB ta integráu por Manny Suárez y Deion Bute.

Manny Suárez (12.2 ppp; 6.7 rpp), pívot chilenu con nacionalidá española de 27 años y 2.08 m., ye la estrella del Juaristi ISB destacando nes principales clasificaciones individuales del grupu. 7u n’anotación, 2u en rebotes y 8u en valoración. La so formación universitaria desenvolvióse entre Fordham University (2014/2015), Adelphi University (2015/2016; 2016/2017) y Creighton University (2017/2018). La so meyor campaña foi nel so tercer añu, militando en Adelphi University, onde promedió 16.9 ppp; 9.3 rpp. La pasada temporada, Manny Suárez, militó en CEB Puertu Montt (Chile-Amiesta Nacional) promediando un doble doble con 15.8 ppp; 10.1 rpp.

Deion Bute (8.5 ppp; 5.2 rpp), pívot holandés de 25 años y 2.06 m. nacíu na isla de San Martín (Caribe), cumple la so primer temporada nel Juaristi ISB onde recaló procedente del Hestia Menorca. El so ciclu universitariu rapartióse ente Tallahassee Community College (2015/2016; 2016/2017) y Central Connecticut State University (2017/2018; 2018/2019). L’Hestia Menorca foi la so primer esperiencia profesional siendo’l so debú n’España promediando 8 ppp; 5.8 rpp (1a Fase) y 5.3 ppp; 5.3 rpp (Fase d’Ascensu).

Iñaki Jiménez dirixe por segunda temporada consecutiva al Juaristi ISB, dempués de la histórica pasada temporada onde conquistó la Copa LEB Plata 2019/2020. Na temporada 2018/2019, Iñaki Jiménez, dirixió al Ordizia-Basoa Banaket. Previa a la so llegada al Juaristi ISB, exerció de Director Deportivu del ZAST Zarautz ZKE dende’l mes de marzu hasta agostu 2019.

Círculo Xixón Baloncestu y Juaristi ISB enfrentáronse los dos últimes temporaes nel Palaciu de Deportes de Xixón con una victoria pa cada equipu. Primer enfrentamientu na temporada 2018/2019 saldóse con victoria pal Juaristi ISB (57-58) y la pasada temporada la victoria quedar en Xixón
(75-72).