Analizamos al próximu rival: Zornotza

César Morales analízanos al nuesu próximu rival el Zornotza Saskibaloi Taldea, de cara al alcuentru que’l Círculu Xixón Baloncestu, va disputar esti sábadu nel Polideportivu Larrea de Amorebieta-Etxano, a partir de les 18:30h.

El Círculu Xixón Baloncestu torna a la competición tres nun poder apostar l’alcuentru aplazáu énte’l Melilla Sport Capital Enrique Soler que taba programáu pal pasáu domingu, pero que l’efectu COVID-19 nel conxuntu melillense, provocó’l so segundu aplazamientu.
El Círculu Xixón Baloncestu en busca de la so primer victoria como visitante en
so novenu desplazamientu.
El Zornotza Saskibaloi Taldea ocupa la segunda posición de la clasificación del Grupu Oeste con un balance de 11 victories – 6 derrotes. Como local nel Polideportivu Larrea presenta un balance de 6 victories – 2 derrotes. C.B. Marbella (66-70) y Grupu Aliega Cantabria (72-82) son los dos únicos equipos que llograron llevase la victoria de la cancha del conxuntu zornotzarra.
Nel alcuentru de la primer vuelta, victoria del Círculu Xixón Baloncestu, n’unu de los meyores partíos apostaos pol conxuntu de Nachu Galán esta temporada. El conxuntu xeométricu impúnxose con claridá pola resultancia de 85-65. Alo marín (19 puntos; 8 rebotes; 5 asistencies) y Arturo Seara (19 puntos; 7 rebotes; 4 asistencies) lideraron al Círculu Xixón Baloncestu secundaos por Jaime Llano (16 puntos; 6 rebotes) y Javi Lucas (11 puntos; 8 rebotes). Volodymyr Orlov con 15 puntos; 4 rebotes y Iker Salazar con un doble doble (11 puntos; 10 rebotes) fueron los más destacaos del Zornotza Saskibaloi Taldea que cuntó cola baxa de Jeromy Rodríguez xuníu a les molesties físiques de Bryson Robinson que se quedó ensin estrenar el so casilleru d’anotación.
El proyectu deportivu del Zornotza Saskibaloi Taldea 2020/2021 iguóse en base a la continuidá de Jon Aldekoa, Mikel Sainz, Borja Mendia y Joseba Estalayo más ocho fichaxes : Berni García (Cáceres Patrimonio de la Humanidad), Alberto Carrera (Náutico Tenerife), Jeromy Rodríguez (East Tennessee State University), Volodymyr Orlov (Real Murcia Baloncesto), Titas Janusevicius (Estudiantes Lugo Leyma Natura), Bryson Robinson (New Orleans University), Jon Manjón (GlobalCaja Quintanar) e Iker Salazar (Juaristi ISB). L’únicu cambéu esperimentáu na plantiya zornotzarra cola temporada en cursu foi la baxa de JonManjón que recaló en C.B. Santurtzi SK (Lliga EBA).

El Zornotza Saskibaloi Taldea cunta con tres bases: Berni García, Alberto Cabrera y Jon Aldekoa.

Berni García (9 ppp; 1.7 rpp; 2.4 app), base de 28 años y 1.83 m., ye’l director de xuegu del Zornotza ST siendo’l segundu máximu anotador del equipu. La pasada temporada debutó na LEB Oru, primero col Levitec Huesca pa rematar la campaña col Cáceres Patrimoniu de la Humanidá. Cumple la so cuarta temporada en LEB Plata en militando mientres trés campañes nel Carrefour “El Bulevar” d’Ávila (2015/2016; 2017/2018; 2018/2019). Na so trayectoria Berni García tamién atropa seis temporaes en Lliga EBA.

Alberto Cabrera (5.2 ppp; 3.8 rpp; 2.4 app), base de 22 años y 1.93 m., procedente del Náutico Tenerife que recala en el Zornotza ST en calidá de cedíu pol Iberostar Tenerife. Alberto Cabrera debutó en ACB col Iberostar Tenerife (2014/2015) a la edá de 16 años 3 meses y 20 díes pa totalizar 5 partíos repartíos de la siguiente forma: 3 (2013/2014) y 2 (2019/2020). La pasada temporada col Náuticu Tenerife en Lliga EBA promedió 15.6 ppp; 6 rpp; 2.4 app. La so formación desenvolvióse nos principales equipos de cantera en Tenerife como son C.B. La Sal-y, Náuticu Tenerife y Iberostar Tenerife.

Jon Aldekoa (1.2 ppp; 0.2 rpp; 0.7 app), base de 21 años y 1.82 m., cumple la so segunda temporada nel Zornotza Saskibaloi Taldea onde recaló procedente del C.B. Santurtzi SK. Los sos entamos nel mundu del baloncestu fueron na cantera del Tabirako Durango que foi’l trampolín pa ingresar nes canteres del Club Joventut Badalona y Baloncestu Fuenlabrada. N’agostu de 2018 el RETAbet Bilbao Basket fichólu llegando a debutar en LEB Oru apostando 2 partíos y xugando en calidá de cedíu con C.B. Santurtzi SK (Lliga EBA).

Bryson Robinson, Titas Janusevicius y Joseba Estalayo configuren la posición d’escoltes nel Zornotza Saskibaloi Taldea.

Bryson Robinson (11.4 ppp; 2.2 rpp), escolta estadounidense de 22 años y 1.93 m., procedente de New Orleans University donde desenvolvió’l so ciclu universitariu (2016/2017; 2017/2018; 2018/2019; 2019/2020). Na so última temporada universitaria promedió 17.9 ppp; 4.1 rpp. 8o nel ranking d’anotadores del Grupo Oeste.

Titas Janusevicius (8.8 ppp; 1.3 rpp), escolta lituanu de 19 años y 1.88 m., procedente del Estudiantes Lugo Leyma Natura. Na temporada 2017/2018 con ABQ Calahorra proclamóse Campeón Liga Junior de La Rioxa y tuvo una destacada actuación nel Campeonatu d’España Junior 2018 promediando 23 ppp. Na temporada 2018/2019 recaló nel Estudiantes Lugo Leyma Natura permaneciendo nel conxuntu lucense dos temporaes y llegando a debutar en LEB Oru col Leche Río Breogán. La pasada temporada col Estudiantes Lugo Leyma Natura en Lliga EBA promedió 17.9 ppp; 4.3 rpp.

Joseba Estalayo (4.9 ppp; 1.5 rpp), escolta de 25 años y 1.88 m., capitán del equipu cumpliendo la so séptima temporada nel Zornotza Saskibaloi Taldea. Estalayo suma seis temporaes en LEB Plata y una en Lliga EBA que foi la hestórica 2017/2018 na que’l conxuntu de Amorebieta llogró l’ascensu a LEB Plata

Iker Salazar y Mikel Sainz configuren la posición d’aleros nel Zornotza Saskibaloi Taldea.

Iker Salazar (7.3 ppp; 8.3 rpp), aleru de 27 años y 2.00 m., tornó esta temporada al Zornotza ST onde militó mientres cuatro campañes (2013/2014; 2014/2015; 2015/2016; 2016/2017). Ente les dos etapes col Zornotza ST, Iker Salazar defendió los colores del Juaristi ISB (2017/2018; 2018/2019; 2019/2020).

Mikel Sainz (6.8 ppp; 3.3 rpp), aleru de 25 años y 1.95 m., cumple la so tercer temporada nel Zornotza Saskibaloi Taldea. Formáu na cantera del Askartza Claret onde militó col equipu en Lliga EBA mientres dos temporaes (2013/2014; 2014/2015), pa darréu recalar nel C.B. Santurtzi SK (2015/2016; 2016/2017; 2017/2018). El so debú en LEB Plata producióse dende la so llegada al Zornotza Saskibaloi Taldea na temporada 2018/2019 hasta l’actual.

El Zornotza Saskibaloi Taldea cunta con Jeromy Rodríguez y Borja Mendia como pareya d’ala-pívots.

Jeromy Rodríguez (9.4 ppp; 6.4 rpp), ala-pívot dominicanu de 24 años y 2.01 m., ta énte la so primer temporada como profesional dempués de rematar el so ciclu universitariu que trescurrió entre Northwest Florida State College (2015/2016; 2016/2017) y East Tennesse State University (2018/2019; 2019/2020) cuntando la temporada en blancu (2017/2018) de resultes del cambéu ente universidaes. Internacional nes categoríes inferiores de la República Dominicana.

Borja Mendia (7.8 ppp; 3 rpp), ala-pívot de 26 años y 2.00 m., segunda temporada nel Zornotza Saskibaloi Taldea na so segunda etapatres la inicial de tres temporaes (2013/2014; 2014/2015; 2015/2016). Formáu na cantera del Loyola Indautxu. Con 18 años fichó pol Bilbao Basket
llegando a debutar en ACB y EuroCup p’atropar un total de 47 y 12 alcuentros respectivamente en cada competición. Col conxuntu bílbaín tuvo mientres cuatro temporaes (2014/2015; 2015/2016; 2016/2017; 2017/2018) combinaes concesiones al Zornotza ST. Na temporada 2018/2019 debutó en LEB Oro col ZTE Real Canoe N.C.

Volodymyr Orlov ye l’únicu pívot específicu del Zornotza Saskibaloi Taldea énte la baxa de Jon Manjón, qu’abandonó’l conxuntu vascu a principios del mes de febreru, pa recalar en C.B. Santurtzi SK (Lliga EBA).

Volodymyr Orlov (10 ppp; 5.3 rpp), pívot ucranianu nacionalizáu español de 25 años y 2.08 m., procedente del Real Murcia Baloncesto col que consiguió l’ascensu a LEB Oro la pasada temporada.Orlov cumple la so octava temporada n’España onde llegó como alevín al San Juan de Aznalfarache (2006/2007). Quinta temporada en LEB Plata. Orlov tamién xugó en LEB Oru defendiendo los colores del Leyma Coruña (2015/2016) y Río Ourense Termal (2017/2018). Na so trayectoria n’España tamién atropa cuatro temporaes en Lliga EBA.

Mikel Garitaonandia, meyor entrenador de la historia del Zornotza Saskibaloi Taldea, dirixe per novena temporada consecutiva al conxuntu de Amorebieta, atropando un total d’once temporaes, yá que les dos primeres cubrióles como entrenador ayudante de Unai Zamalloa. Na temporada 2012/2013 llogró l’ascensu a LEB Plata. La so meyor clasificación na categoría foi la tercer posición na campaña 2016/2017.
El Círculu Xixón Baloncestu va disponer de tolos sos efectivos cola recuperación de Marcos Portález tres perder los últimos trés partíos y el refuerzu de Quarry Greenaway que va faer el so debú cola elástica xixonesa.
Zornotza Saskibaloi Taldea y Círculo Xixón Baloncestu viéronse les cares los dos últimes temporaes nel Polideportivu Larrea con plenu de victories pal conxuntu vascu. La primer vegada foi na temporada 2018/2019 con victoria local 87-82 que se repitió la pasada campaña pola resultancia de 73-65.