Analizamos al Udea Algeciras

César Morales analízanos al nuesu próximu rival el Enerdrink UDEA Alxecires Dam, de cara al alcuentru que’l Círculu Xixón Baloncestu, va apostar esti domingu nel Palaciu de Deportes de Xixón, a partir de les 19:00.

El Círculu Xixón Baloncestu nel so meyor momentu de la temporada, con una racha de trés victories consecutives, nuna selmana que venía marcada con doble compromisu, a la fin por culpa del efectu COVID-19 túvose qu’aplazar per tercer vegada l’alcuentru énte’l Melilla Sport Capital Enrique Soler. La racha de victories del Círculu Xixón Baloncestu asitió al conxuntu de Nacho Galán en posiciones de Fase d’Ascensu, ocupando l’octavu llugar con un balance de 10 victories – 12 derrotes, a falta de cuatro partíos pa la finalización de la 1ª Fase para’l conxuntu xeométricu.

Esti domingu’l Círculu Xixón Baloncestu recibe nel Palaciu de Deportes de Xixón al Enerdrink UDEA Algeciras Dam que se presenta 11u clasificáu con un balance de 8 victories – 15 derrotes. Como visitante’l conxuntu alxecireñu presenta un balance de 2 victories – 9 derrotes. El conxuntu alxecireñu, namás pudo ganar esta temporada, nes pistes del NCS Alcobendas (81-82) y Zentro Basket Madrid (78-79) y ta atropando una racha de cuatro derrotes consecutives como visitante.

Nel alcuentru de la primer vuelta, victoria del Enerdrink UDEA Algeciras Dam (81-72). Miki Ortega (20 puntos; 7 rebotes; 4 asistencies) lideró al conxuntu alxecireñu sofitáu por Kedar Salam (18 puntos) y Issa Thiam (18 puntos; 10 rebotes). Mal alcordanza pal Círculu Xixón Baloncestu, non yá pola
derrota, sinón pola grave mancadura que sufrió Jabs Newby col frayatu del tendón d’Aquiles de la so pierna esquierda que supunxo’l puntu final a la so trayectoria nel Círculu Xixón Baloncestu. Pol Círculu Xixón Baloncestu destacaron Arturo Seara (18 puntos), Alo Marín (16 puntos; 7 rebotes; 8 asistencies) y Marcos Portález con un doble doble (13 puntos; 11 rebotes).

El proyectu deportivu del Enerdrink UDEA Algeciras Dam iguóse en base a la continuidá de seis xugadores de la pasada temporada como son Sam Buxton, Javier Fernández, Juanmi López, Sergio Malla, Miki Ortega más seis fichaxes : Mor Niang (Basquet Girona), Bola Olaniyan (Aquimisa Carbajosa), Yago Estévez (Basquet Navarra), Ernest Maize (AD Plasencia Basket), David Mc.Culloch (Ilerdauto Nissan Pardinyes Lleida) y Joe Junior Mvezolo (Jaen Paraísu Interior CB Cazorla).

Cola temporada en cursu produciéronse les baxes de David Mc.Culloch por decisión personal, Joe Junior Mvezolo que recaló nel C.B. Morón, Ernest Maize y Mor Niang. L’Enerdrink UDEA Algeciras Dam incorporó a Kedar Salam (Tobarra Club Baloncesto), Issa Thiam (C.B. La Matanza CBA), Jon Ander Cuadra (Aloe Plus Lanzarote Conejeros) y Aaron Guzmán (Ibersol C.B. Tarragona).

El xuegu del Enderdrink UDEA Algeciras Dam pasa por Miki Ortega, Issa Thiam, Kedar Salam y Bola Olaniyan.

Miki Ortega (16.4 ppp; 2.7 rpp; 4.1 app), base de 30 años y 1.86 m., ye la estrella del Enerdrink UDEA Algeciras Dam. Máximu anotador del Grupu Oeste xusto per delantre de Alo Marín, líder en minutos xugaos, 4u n’asistencies y 5u en valoración. Miki Ortega cumple la so tercer temporada nel Enerdrink UDEA Algeciras Dam. Na temporada 2018/2019 llogró l’ascensu a LEB Plata. En LEB Oru militó mientres una temporada (2014/2015) col Planasa Navarra. Con esperiencia fora d’España destacando’l so pasu por Dinamarca nes files del Randers Cimbria (2012/2013) más en Rusia con Spartak Vladivostok (2013/2014).

Issa Thiam (11.6 ppp; 5.6 rpp), aleru senegalés de 24 años y 2.06 m., recaló nel Enerdrink UDEA Algeciras Dam el pasáu 9 d’avientu procedente del C.B. La Matanza (Lliga EBA). Thiam formóse en Canaries Basketball Academy pa darréu dar el saltu a O.S.A. pa la so formación universitaria en Rutgers University (2016/2017; 2017/2018; 2018/2019). La pasada temporada tornó a España pa militar en HLA Alicante (LEB Oru).

Bola Olaniyan (11.8 ppp; 8.1 rpp), pívot nixerianu de 27 años y 2.01 m., primer temporada nel Enerdrink UDEA Algeciras Dam procedente del Aquimisa Carbajosa. La so formación universitaria tuvo llugar en Southern Illinois University (2013/2014; 2014/2015; 2015/2016) y Alabama University (2016/2017) pa tornar a Nixeria mientres dos temporaes pero ensin competir de forma profesional. El so momentu llegó la pasada temporada cuando foi ficháu pol Aquimisa Carbajosa, na que foi la so primer esperiencia profesional, formando parte del únicu equipu español invictu hasta la suspensión de toles competiciones. Nel conxuntu de Carbajosa de la Sagrada promedió 9.9 ppp; 9.2 rpp.

Kedar Salam (10.1 ppp; 1.6 rpp), escolta canadiense con nacionalidá xamaicana de 27 años y 1.92 m., que recaló nel Enerdrink UDEA Algeciras Dam pa cubrir la baxa de David Mc.Culloch. Condición Cotonou. Kedar Salam llegó a España na temporada 2018/2019 pa militar n’Aceitunes Fragata Morón (LEB Plata). La pasada temporada empezó en C.B. Villarrobledo (LEB Plata) pa terminala en Tobarra C.B. (Lliga EBA). La so formación universitaria trescurrió entre British Columbia University y Simon Fraser University.

El Enerdrink UDEA Algeciras Dam presenta la siguiente estructura de plantiya.

Bases : Miki Ortega; Juanmi López y Javier Fernández. Escoltes : Kedar Salam y Rubén Perea.
Aleros : Issa Thiam y Sergio Malla.

Ala-Pívots: Sam Buxton y Jon Ander Cuadra.

Pívots : Bola Olaniyan, Yago Estévez y Aaron Guzmán.
Entrenador : Francisco Javier Malla.

L’Enerdrink UDEA Algeciras Dam disputó’l so últimu alcuentru na pista del Grupu Aliega Cantabria (96-77) cuntando tan solo con siete xugadores por cuenta de les baxes de Kedar Salam, Javier Fernández, Issa Thiam, Bola Olaniyan y Sam Buxton. TraducciónAsturiano

La pasada temporada enfrentáronse per primer vegada, Círculo Xixón Baloncestu y Enerdrink UDEA Algeciras Dam, nel Palaciu de Deportes de Xixón con victoria alxecireña 63-78.

El Círculu Xixón Baloncestu recupera a Jaime Llanu dempués de perdese los últimos cuatro partíos del conxuntu xixonés.