El base americanu con pasaporte italianu, Anthony Libroia conviértese na primer incorporación del Círculu Xixón Baloncestu.
Anthony Libroia (1.80) ye un xugador bien conocíu pola LEB Plata, tien una gran capacidá para sacar ventayes nel ún por ún, bon director ya intensu en defensa, cualidaes qu’encaxen perfectamente nos esquemes del nuevu cuerpu técnicu xixonés.
Estes fueron les primeres impresiones del técnicu Nachu Galán en conociendo la noticia “Trátase d’un xugador esperimentáu na categoría tres dellos años en Zamora. Americanu con pasaporte italianu axunta les meyores característiques de dambos países. Un anotador bien regular que puede simultanear les posiciones de 1 y 2. Bien peligrosu nel 1×1 y con un bon llanzamientu esterior. Capaz tamién de xugar los balones decisivos con ésitu y bien llistu nel campu.
Amás, Anthony va danos un extra en defensa, ye un xugador bien enérxicu y bien incómodu para los atacantes rivales. Con él na pista, vamos ganar n’agresividá defensivo. Foi fácil llegar a un alcuerdu con él. Demostrónos aína les sos ganes de xugar en Xixón. Dambos pensamos que puede faer una gran temporada nel Circulu”
Libroia embárcase nun nuevu equipu en tando 3 temporaes col CB Zamora. “Toi mui feliz de xugar pa la ciudá y el club de Xixón! Gracies por confiar en mi y teneme equí pa empezar esti nuevu proyectu! Hai una meta en mente y ye crecer como un equipu mientres la temporada y lluchar pola promoción a Leb oru. ¡Toi deseyando conocer al equipu, al staff, a los mios nuevos compañeros y a los fans de Xixón!” Declaraba Anthony
