Marcos Portález llevó al Círculo Xixón escontra la so tercer victoria, nun partíu onde’l conxuntu xixonés amosó que’l Palaciu los Deportes de Xixón, a pesar de la falta de públicu, sigue siendo un fortín.
El partíu presentábase enllenu d’incógnites por cuenta de les numberoses baxes per parte de dambos conxuntos. L’equipu sevillanu xugó con 7 xugadores y el Círculu con 9 (6 xugadores y 3 pumates).
Alcuentru, correspondiente a la xornada 4, arrancaba con un Círculo mui coral que zarró esti primer cuartu con un +12 ptos de ventaya. (31-19)
El segundu cuartu’l conxuntu xixonés siguía’l so ritmu de xuegu y sumando más puntos hasta que, nel min 3:31, el Círculu desenchióse y provocó que’l CB Morón retayara drásticamente la ventaya y dise a vestuarios con tan solo 5 puntosper debaxo nel marcador. (42-37)
Tres al pasu por vestuarios, los locales teníen que volver recuperar les sensaciones del primera cuartu si nun queríen sufrir nel postreru cuartu. Y asina foi!! Los triples de Jabs Newby, Jaime llano y Alo Marín xunto col bon partíu que taba faciendo Marcos Portález (MVP) consiguió volver abrir güecu y rematar con nueve puntos a favor. (68-59)
Llegamos al cuartu últimu, Alo Marín y Jaime Llano siguían cola so particular guerra anotadora de triples faciendo que, la ventaya siguiera. incrementándose y nun dieron respiru a un CB Morón que nunca nun baxó los brazos.
La sorpresa dionosla Nacho Galán, qu’a falta de pocos minutos pal remate del partíu, quixo que los trés xugadores del CB Pumarín tuvieren tamién presencia.
92-73 foi’l resultáu d’un bon partíu del conxuntu xixonés que yá pon el so puntu de mira nel siguiente alcuentru que va ser el próximu sábadu a les 20:00h nel Palaciu los Deportes de Xixón contra l’Alcobendas.
