El conxuntu xixonés consiguió una engarrada victoria énte un Aquimisa que tuvo opciones hasta’l final.
El Círculu Xixón tres un mes de parón debíu al Covid, tocába-y xugar unu de los partíos que tenía aplazaos. Nesti casu tocába-y xugar contra l’Aquimisa Carbajosa, un equipu que llegaba a Xixón con una mala racha de resultancies y cambéu d’entrenador. A pesar d’ello llucharon hasta’l final y pudieron inclusive llevase la victoria.
Per parte del Círculu llegaba con esi parón y con dellos xugadores qu’apenes pudieron entrenar. Esto provocó que al equipu xixonés faltáralos ritmu de xuegu y que casi pasa factura na resultancia. El xugador más destacáu y que dio la sorpresa foi l’apaición de Robert Swift, qu’a pesar del so estáu físicu, foi xugador determinante nel partíu gracies a la so llucha, esfuerzu y el so altu porcentaxe d’aciertu. Tabién hai que destacar a Alo Marín que foi’l máximu anotador del equipu.
Los primeros puntos del Círculu fueron dos triples d’Alo y Justinas pa ponese per delantre nel marcador. A pesar d’ello va ser Aquimisa Carbajosa quien termine esti periodu a +4 del conxuntu xixonés. (18-22)
El segundu cuartu la igualdá reinaba nel Palaciu de los Deportes de Xixón, nengunu de los dos equipos fueron capaces d’abrir buecu nel marcador y llegóse al descansu con un empate 40-40.
Tres el pasu por vestuarios, apenes camudó’l partíu. Si un equipu metía triple l’otru respondía y asina llegamos hasta el min 4:39 con un 2+1 de Justinas qu’obligó al técnicu salmantinu pidir tiempu muertu porque’l Círculu consiguió romper la igualdá. Finalmente acabóse esti periodu con un +2 del conxuntu xixonés.. (61-59)
Llegamos al últimu periodu onde de nueves instalóse la igualdá y el intercambiu de canastes. Nun foi hasta’l min 1:08 con un triple de Tury cuando s’abrió’l marcador a favor del Círculu. Un 75-72 qu’obligaba al Aquimisa Carbajosa a meter un triple pa empatar. Pero la férrea defensa del equipu local consiguió robar el balón y poner puntu final al partíu . (77-72)
Victoria importantísima del Círculo que-y da osíxenu y que gana el basket average col Aquimisa Garbajosa.
El próximu alcuentru va ser el próximu sábadu a les 20:00h contra otru rival directu y acabante xubir como ye Zentro Madrid.
