César Morales analízanos al nuesu próximu rival, el NCS Alcobendas, de cara al alcuentru que’l Círculo Xixón Baloncesto, va celebrar esti sábadu nel Pabellón Deportivu Municipal Antela Parada, a partir de les 19:30.
El Círculo Gijón Baloncesto ta travesando’l so meyor momentu de la temporada, con una racha de dos victories consecutives tres los trunfos llograos ante Anueva Chef (90-92) y Cat&Rest Clínica Ponferrada CDP (78-75), y encara el desplazamientu a la cancha del colista NCS Alcobendas.
El NCS Alcobendas debuta esta temporada en LEB Plata en certificando l’ascensu per segunda temporada consecutiva dende Lliga EBA anque’l correspondiente a 2018/2019 nun se certificó por cuestiones económiques.
El NCS Alcobendas ocupa la posición de colista con un balance de 5 victories – 16 derrotes, atropando una racha de cuatro ganes consecutives. Como llocal nel Pabellón Deportivu Municipal Antela Parada presenta un balance de 4 victories – 6 derrotes.
La única victoria como visitante del NCS Alcobendas tuvo llugar nel alcuentru de la primer vuelta énte’l Círculu Xixón Baloncestu (75-84). Jorge Parra (18 puntos; 5 rebotes), Jorge Tejera (16 puntos; 6 rebotes), Edu Martínez y Mike Young con 10 puntos caún lideraron al conxuntu alcobendense a la victoria. Pel Círculu Xixón Baloncestu, na que foi la primer derrota como llocal, destacaron Alo Marín (18 puntos; 7 rebotes), Marcos Portález (17 puntos; 9 rebotes), Jaime Llano (14 puntos) y Arturo Seara (11 puntos; 6 rebotes).
El proyectu deportivu 2020/2021 iguóse en base a la continuidá de David Marina, Sebastian Mbansogo, Mike Young, Álex Fortes, Edu Martínez, Jorge Parra y Iago Ibáñez más los fichaxes de Jahvaughn Powell (Juaristi ISB), David Navarro (C.B. Cazorla), Jhan Paul Mejia (C.B. Villarrobledo), Jorge Tejera (JAFEP Fundación GlobalCaja La Roda), David Ávila (Lujisa Guadalaxara Basket) y Filip Krajina (JAFEP Fundación GlobalCaja La Roda). Cola temporada en cursu, David Navarro, abandonó la disciplina del NCS Alcobendas para recalar nel Autocares Rodríguez Daimiel (Lliga EBA).
Cola temporada en cursu’l NCS Alcobendas realizó los fichaxes de Mitchell Eighme (Angra Basket) y Héctor Jiménez (C.B. Villarrobledo) xuníu a les baxes de Jhan Paul Mejía y David Navarro.
El NCS Alcobendas cunta con hasta cuatro bases como son: Jahvaughn Powell, Sebastián Mbansogo, David Ávila y Héctor Jiménez.
Jahvaughn Powell (11.2 ppp; 1.7 rpp; 2.6 app), base estaoxunidense con nacionalidá xamaicana de 25 años y 1.83 m., qu’esta temporada recaló nel NCS Alcobendas en militando les postreres dos campañes nel Juaristi ISB. La so meyor temporada foi la del so debú con Juaristi ISB onde promedió 14.9 ppp; 2.6 rpp; 4.6 app (1a Fase) y 12.7 ppp; 2.8 rpp; 4.3 app (2a Fase).
Sebastián Mbansogo (5 ppp; 1.7 rpp; 2.8 app), base de 25 años y 1.85 m., cumple la so cuarta temporada nel NCS Alcobendas. Mbansogo debutó en LEB Plata na temporada 2014/2015 col Viten Xetafe. Na temporada 2015/2016 llogró l’ascensu a LEB Plata col Seguros Soliss Alcazar Basket.
David Ávila (2.5 ppp; 1.4 rpp; 1.1 app), base de 26 años y 1.82 m., procedente del Lujisa Guadalaxara Basket onde militó los trés últimes temporaes. David Ávila estrena esta temporada en LEB Plata col NCS Alcobendas.
Héctor Jiménez (2.7 ppp; 0.2 rpp; 2.5 app), base de 26 años y 1.83 m., recaló nel NCS Alcobendas a principios del pasáu mes de febreru, na que ye la so segunda etapa nel conxuntu alcobendense onde yá militó na temporada 2016/2017 en Lliga EBA. La pasada temporada militó nel C.B. Villarrobledo onde coincidió con Quarry Greenaway.
Na posición d’escolta del NCS Alcobendas cunta con Jorge Parra y Edu Martínez.
Jorge Parra (11.6 ppp; 3 rpp), aleru de 23 años y 1.91 m., cumple la so quinta temporada nel NCS Alcobendas.
Edu Martínez (5.6 ppp; 1.7 rpp), escolta de 24 años y 1.92 m., tercer temporada nel NCS Alcobendas. Na temporada 2016/2017 llogró l’ascensu a LEB Plata col ZTE Real Canoe N.C. debutando col conxuntu madrilanu a la siguiente campaña na categoría.
Mike Young y David Marina configuren la posición d’aleru nel NCS Alcobendas.
Mike Young (6 ppp; 2.1 rpp), aleru de 30 años y 1.98 m., cumple la so cuarta temporada nel NCS Alcobendas na que pa él ye’l so regresu a la LEB Plata onde yá militó defendiendo el colores del Carrefour “El Bulevar” d’Ávila (2014/2015; 2015/2016).
David Marina (5.2 ppp; 1.8 rpp), aleru de 33 años y 2.03 m., tercer temporada nel NCS Alcobendas. Formáu na cantera del Real Madrid onde tuvo diez temporaes pasando pola so filial que militó en Lliga EBA, LEB Bronce y LEB Plata. La temporada 2017/2018 tuvo inactivu en rematando la so etapa col filial del Real Madrid.
La posición d’ala-pívot nel NCS Alcobendas ta integrada por Jorge Tejera y Mitchell Eighme.
Jorge Tejera (10.6 ppp; 4.1 rpp), ala-pívot de 28 años y 2.00 m., tornó esta temporada al NCS Alcobendas onde yá militó mientres les campañes 2014/2015 y 2015/2016, pero na postrera nun la completó al terminala en LEB Plata col Carrefour “El Bulevar” d’Ávila. El so pasu pol conxuntu abulense supunxo’l so debú en LEB Plata. Dempués dos temporaes nel Isover Basket Azuqueca (2016/2017; 2017/2018) para na última campaña militar nel JAFEP Fundación Global Caxa La Roda onde coincidió con Filip Krajina.
Mitchell Eighme (3.8 ppp; 3.2 rpp), ala-pívot estaoxunidense de 24 años y 2.03 m., que recaló nel NCS Alcobendas a mediaos del pasáu mes de xineru. La pasada temporada militó nel Angra Basket onde promedió 15 ppp; 10.6 rpp. Formáu en Upper Iowa University onde cumplió’l so ciclu universitariu (2014/2015; 2015/2016; 2016/2017; 2017/2018) previu al so saltu al profesionalismu en Portugal col Angra Basket.
El xuegu interior del NCS Alcobendas ta compuestu por Filip Krajina y Álex Fortes.
Filip Krajina (10.5 ppp; 6.6 rpp), pívot croata de 26 años y 2.09 m. Referencia interior del NCS Alcobendas na so primer temporada nel equipu onde recaló dende’l JAFEP Fundación GlobalCaja La Roda. En Croacia militó nos siguientes equipos: KK Vrijednosnice Osijek, KK Alkar Sinj y BC Adria Oil Skrljevo. Na temporada 2018/2019 xugó n’Eslovenia con BK Slavia Zilina pa terminala de vuelta a Croacia con BC Adria Oil Skrljevo.
Álex Fortes (6.6 ppp; 3 rpp), pívot de 30 años y 2.04 m., cumple la so quinta temporada nel NCS Alcobendas. Tres 9 temporaes xugando en Lliga EBA esta campaña, al igual que’l NCS Alcobendas, debuta en LEB Plata. La so esperiencia en Lliga EBA abarca C.B. Chantada Galicia Vento (3 temporaes), Eurocolegio Casvi (2 temporaes) y NCS Alcobendas (4 temporaes).
José Antonio Ramírez, técnicu madrilanu de 51 años, dirixe per séptima temporada consecutiva al NCS Alcobendas, col hestóricu llogru de llevar al conxuntu madrilanu a LEB Plata.
El Círculu Xixón Baloncestu va cuntar cola baxa de Jaime Llano, que dende l’alcuentru énte la Reina Yogur Clavijo CB por unes molesties nes cervicales, provocó que se perdiera los trés últimos alcuentros del equipu xeométricu. La previsión ye que Jaime Llano pudiera tar recuperáu de cara al alcuentru del próximu martes énte’l Melilla Sport Capital Enrique Soler nel Palaciu de Deportes de Xixón.
