Obi Megwa (1.83) nuevu fichaxe del Círculu Xixón Baloncestu.

El base americanu con pasaporte nixerianu vien al conxuntu xixonés pa reforzar el puestu de base y dar osíxenu a Anthony Libroia. Obi Megwa vien de la Universidá Nortwest Nazarenne ónde batió tolos récords d’anotación. Caracterízase por ser un base bien rápidu y un gran anotador.

El xugador yá ta volando a tierres asturianes dende Fenix (USA) y va incorporase el próximu llunes a los entrenamientos del Círculu Xixón.

Obi Megwa podría debutar el próximu partíu 4 d’avientu contra’l Enerparking Navarra nel Palaciu de los Deportes de Xixón.