Esta temporada foi bien difícil pa tolos equipos de la LEB Plata, munchos d’ellos nun pensaben que se diba a poder rematar esta competición. Tres dellos partíos aplazaos, debíu al Covid 19, remató la lliga regular.
El Círculu Xixón Baloncestu arrincó esta temporada con dellos partíos aplazaos causando que l’equipu nun pudiera consiguir un ritmu óptimu nel so xuegu. Amás apaecieron les mancadures, dalgunes fueron leves y otres bien graves que, dexaron a trés xugadores (Ángel Moru, Chuchi y Jabs Newby) fuera de combate para tola temporada. Énte esta situación complicada siempres hai que sacar la parte positiva y ye que los xuveniles del CB Pumarín: Adrián Riesgo, Ismael García y David Jiménez, tuvieron la so oportunidá d’apostar dellos minutos na categoría de Plata; na qu’hai que destacar la gran crecedera d’Adrián Riesgu que sosprendió a tolos presentes.
El comienzu del año 2021 arrancó con los fichaxes estrelles de Justinas Olechnavicius y a Quarry Greenaway, dos xugadores que fueron claves pa la resurrección de los xixoneses; y como no nueva apaición del Covid 19, nesti casu foi’l conxuntu xixonés quien tuvo dos positivos nes sos files y qu’obligó a nuevos aplazamientos. A dulces, l’equipu volvía a la normalidá y volvía a la competición. El puntu d’inflexón foi cuando un triple d’Alo Marín sobro la bocina, allá pol 14 de marzu, daba la victoria del Círculu fora de casa rompiendo’l maleficio d’un añu y dos meses de seca. A partir d’ehí’l conxuntu xixonés arrincó la so llocomotora pa consiguir 6 victories más que los upaba hasta’l 7º puestu y clasificase, por primer vez na so hestoria, nunos Play Offs d’ascensu a la LEB Oru.
Los Play Offs d’ascensu iba arrancar pal conxuntu xixonés la pasada fin de selmana pero un biltu na plantiya del so rival Hestia Menorca, obligaba a un nuevu aplazamientu. Si too sal bien, el partíu d’ida va disputase’l próximu 9 de Mayu nel Palaciu de los Deportes de Xixón y la vuelta en tierres menorquines el 12 de Mayu.
