Guillermo Arenas incorpórase al Círculu

L’entrenador Guillermo Arenas, primer incorporación del Círculu Xixón Baloncestu. L’uvieín va formar un tándem con Nacho Galán nel banquín xixonés.

Guillermo Arenas ye un técnicu bien conocíu pola afición asturiana pol so pasu pol Liberbank Uviéu en Plata y Oru. Na temporada 2016-17 empezaría entrenando al Baloncestu Villa de Mieres de Lliga EBA y terminó fichando pol Club Baloncesto Peñes Huesca de LEB Oru.

Declaraciones de Nacho Galán: “Tamos mui contentos y agradecíos cola incorporación de Guillermo. Atraer talentu al Círculu ye siempres una prioridá y Arenas va ayudar enforma. Tien una gran esperiencia nes Lligues FEB y ta bien comprometíu con esti proyectu. Tanto él, como’l so axente, Quique Villalobos, facilitáronnos enforma l’alcuerdu. Creo que vamos faer un bon tándem na dirección del equipu”.

Con esta nueva incorporación, El Círculu Xixón empecipia los sos primeros pasos na formación de la so plantiya cara a la siguiente temporada.

 

TRAYECTORIA:

 

10/12 Plata: Ayudante en Unión Financiera Asturiana Oviedo Baloncesto

12/13 Plata: Primer entrenador en Unión Financiera Asturiana Oviedo Baloncesto

13/14 Oro : Primer entrenador en Unión Financiera Asturiana Oviedo Baloncesto

16/17 EBA: Primer entrenador en Baloncesto Villa de Mieres

16/20 Oro: Primer entrenador nel Club Baloncesto Peñas Huesca.