El pivot alicantín, Javi Lucas anueva por dos temporaes más col Círculu.

La temporada pasada fixo un gran papel tanto en pista como fora d’ella col Círculu Xixón. Pol so compromisu con Xixón y gran rendimientu llegar al alcuerdu d’anovar por dos temporaes más.

Estes fueron les primeres impresiones del técnicu Nachu Galán en conociendo la noticia “Javi Lucas ye unu de los pivots más importantes de la categoría y un xugador bien deseyáu por munchos equipos. Tres una dilatada esperiencia en LEB ORU y en dalgún de los meyores equipos de LEB PLATA, en Xixón atopó l’equilibriu que precisaba.

Foi unu de los meyores reboteadores de la Lliga la pasada temporada y una amenaza para les defenses contraries. Capaz de postear pronto del aru o xugar el roll y tamién capaz d’anotar de 3 puntos, con unos porcentaxes alredor del 40%. Un xugador mui completu.

El so compromisu col equipu foi absolutu, llegando a xugar un final de partíu importante con una costiella rota y forfugar la recuperación pa incorporase de nuevu al trabayu colos sos compañeros.”

Un compromisu que sigue vixente pal alicantín y amuésase bien contentu por roblar pol club xixonés dos temporaes más. Estes fueron les sos declaraciones:

“ Bien contentu cola renovación, a la fin cuando’l Círculu tuvo tanto interés n’anovame foi una de les claves por que yo siga” “A Nacho yá lo conozo del añu pasáu y conozo a tolos que formen el Club y eso seguro que me ayudar pa encarar un añu que creo que va ser bien bonu pol club, tamién polos aficionaos qu’esperemos que dende’l principiu puedan entrar al pabellón” “A l’afición dici-yos que los precisamos mas que nunca , l’añu pasáu nun fueron munchos los que pudieron tar nel pabellón pero anguaño yá que puedan tar dende’l primer partíu qu’eso a nós va ayudar munchísimo y al club tamién y espero que nós podamos devolver l’enfotu qu’ellos van depositar en nós, seguro tando nes graes y animando”