Nachu Rodriguez (2.00) incorpórase a les files del Círculu Xixón Baloncestu.
El base- escolta- aleru madrilanu vien del Zentro Basket Madrid y foi unu de los xugadores más destacaos del so equipu na pasada temporada
Estes fueron les palabres de Nacho Galán “Nachu Rodriguez foi unu de los xugadores revelación del pasáu campeonatu y un claru candidatu a xugar en categoríes cimeres, sicasí prefirió siguir la so progresión xugando nun equipu como Circulu Xixón. Trátase d’un aleru de 2 metros con un tiru de 3 puntos del 40% y capaz de prindar rebotes en dambos llaos. Foi unu de los nuesos primeros oxetivos namás terminar la Lliga y finalmente consiguimos convencelo con un proyectu seriu y competitivu. Va ser unu de los principales xugadores del nuesu equipu. Amás el so xuegu afaise perbién al nuesu estilu. Bienveníu Nacho.”
El madrilanu descríbese como “ un xugador versátil capaz de xugar nos trés asities esteriores y onde decida l’entrenador poneme soi capaz de rindir y d’apurrir al equipu. Tocantes a lo que puedo apurrir al equipu, va un pocu por esa linea de versatilidad ye dicir que, tengo capacidá d’apurrir puntos, rebotes y asistencies mientres el partíu na posición que me ponga l’entrenador“
