El próximu sábadu 8 de mayu, el Círculu Xixón va enfrentar al Hestia Menorca nel Palaciu de los Deportes de Xixón. Alcuentru históricu pal conxuntu xixonés que lu encara con muncha ilusión y siendo conscientes de la dificultá.

Pa esti partíu’l Círculu Xixón namás va poder tar acompañáu por 300 persones, por cuenta de les restricciones vixentes pola situación sanitaria d’Asturies. “Gustábanos poder meter más aforu, lo engarremos y falemos colos dirixentes pero finalmente dixéronnos que nun podemos meter a más aficionaos “ declaraba’l presidente del club Carlos Rodellar.

Amás como novedá pa esti alcuentru ye que va ser el Día de sofitu al club ónde l@s abona@s y Sub-18 van tener que pagar un suplementu de 5 euros y la entrada va ser de 20 euros.

La entrada al partíu va ser col mesmu procedimientu de lo que llevamos de temporada, primero va dase privilexu a l@s abona@s que van tener les puertes abiertes a partir de les 18:00h y a les 19.30h va dase pasu a la taquilla normal (siempres y cuando nun se completara l’aforu)