El pasáu llunes presentamos de forma oficial al nuesu base Tury Seara nes instalaciones d’unu de los nuesos patrocinadores Forus Talasoponiente.
El vallisoletanu fala de cómo s’atopa él y l’equipu “Son unes selmanes d’adaptación tantu de la ciudá como del equipu. La ciudá ye bien prestosa bien cómoda na que vivir y l’equipu ye una plantiya nueva ónde hai qu’afaese pero bonu mentalidá positiva y bones sensaciones”
Círculo Gijón xugó’l so primer partíu de pretemporada el pasáu sábadu contra unu de los candidatos a lluchar pol ascensu a la LEB Oru. Un duru esame pa los de Nacho Galán qu’acabó perdiendo por una diferencia de cinco puntos.
“Al equipu fálta-y abondo rodaxe, trabayu y compenetrarnos ente nós esto ye qu’inda queda enforma qu’ameyorar. Sabía qu’ellos (Aliega Cantabria) diben más rodaos y con más ritmu que nós pero defendímonos con calter y a la fin fueron bones sensaciones” declaró’l base Tury.
