Quarry Greenaway (1.90) anueva una temporada más col Círculu Xixón Baloncestu.
La temporada pasada llegó en xineru para suplir la baxa de Jabs Newby y llogró bona acoyida en Xixón. Foi un xugador que s’afixo a la primera al xuegu xixonés y llogró un papel “comodín” en toles posiciones.
Estes fueron les palabres de Nachu Galán “Quarry demostró la pasada temporada que ye un refuerzu de luxu para’l nuesu equipu. Con una fortaleza física impresionante, ye capaz d’anotar dende la llinia de 3 puntos o rematar un 1×1 con un mate espectacular. Puede faer toles posiciones esteriores con solvencia y defensivamente, inclusive a los pivots contrarios. La pasada temporada realizó dalgunes de les xugaes más espectaculares de la temporada y la so participación foi clave para xugar los play offs d’ascensu a LEB ORU.
Deseyáu anguaño por munchos equipos, escoyó Xixón, porque ama la ciudá y atopóse bien a gustu entrenando y xugando col Circulu Xixón.”
El dominica declarábanos que “Toi bien emocionáu por volver a Xixón esta temporada y volver xugar delantre de l’afición. Trabayé bien duru para esta temporada y quiero dar les gracies por esta oportunidá que me dio’l club”.
