El Círculu Xixón, lideráu por Alo Marín, que llegó a tar a 14 puntos per debaxo del marcador, consiguió remontar el partíu y algamar la sesta victoria de la temporada.
El conxuntu de Nacho Galán arrancó’l partíu con un parcial de 7-0 y supieron caltener el tipu, pa rematar esti primer cuartu per delantre (18-17).
Pero el segundu cuartu Zentro Basket Madrid empezó a coyer el so ritmu de xuegu y con una eficacia anotadora impresionante consiguieron dise a vestuarios con un +11 puntos (33-44).
El tercer cuartu, el Círculu quería remontar esti partíu que se-y punxera cuesta arriba mientres que Zentro Basket Madrid quería caltener les distancies y controlar al conxuntu local. Nun llegó hasta’l minutu 1:15 onde’l Círculu consiguió baxar la diferencia a menos de 10 puntos y rematar esti periodu a tan solo 6 puntos de diferencia (59-65).
Arrincamos el postrer cuartu y qué como no de nuevu’l nerviosismu y l’igualdá instalóse nel Palaciu de los Deportes de Xixón. Dos triples de Alo Marín ponía de pies a l’afición xixonesa qu’empezaba a suañar cola remontada. Tan solo 2 puntos ponía’l Círculu Xixón del Zentro Basket Madrid. Nun foi hasta’l minutu 4:24 cuando’l conxuntu llocal llograba’l empate a 73-73.
A partir d’ende hebo intercambiu de golpes que provocó que nengún pudiera volver abrir buecu. A falta de 43.5 segundos un +2 de Alo y un triplazu de Tury daben prácticamente la victoria al Círculu. Con una bona defensa y ensin ponese nerviosu’l conxuntu xixonés llograba una sufrida y épica victoria (90-85).
La lliga nun para y el siguiente compromisu de los de Nacho Galán ye crucial pola llucha pola permanencia. Nesta ocasión al Círculo Xixón tóca-y viaxar hasta Sevilla pa enfrentase esti miércoles contra’l CB Morón a les 19:00h.
