César Morales analízanos al nuesu próximu rival el Melilla Sport Capital Enrique Soler, de cara al alcuentru que’l Círculu Xixón Baloncestu, va disputar esti miércoles nel Palaciu de Deportes de Xixón, a partir de les 19:30.

El Círculu Xixón Baloncestu cola so histórica victoria na cancha del Melilla Sport Capital Enrique Soler (72-91), llogrando la permanencia y clasificación para la Fase d’Ascensu, vuelve vese les cares col conxuntu melillense pa disputar l’alcuentru aplazáu, per trés vegaes, correspondiente a la Xornada 13 postreru de la primer vuelta. L’efectu COVID-19 provocó que se xugara primero’l partíu de la segunda vuelta primero que el de la primera.
El Círculu Xixón Baloncestu ocupa la octava posición de la clasificación con un balance de 12 victories – 13 derrotes. El Círculu Xixón Baloncestu tres el so pase a la Fase d’Ascensu’l so rival va ser l’Hestia Menorca, cola única esceición que se produciría cola derrota énte’l MSC Enrique Soler xuníu a que’l conxuntu norteafricano pueda ganar los sos cuatro partíos aplazaos más superar el basket-average del conxuntu xixonés (+19).
El Melilla Sport Capital Enrique Soler ta 13o con un balance de 9 victories – 13 derrotes, yá refugó’l descensu directu al que cayeron NCS Alcobendas y C.B. Morón. El conxuntu melillense va tratar de refugar el Play-Out yá que lu resten por xugar cuatro partíos.
Como visitante’l MSC Enrique Soler presenta un balance de 2 victories – 9 derrotes. Les úniques victories del Melilla Sport Capital Enrique Soler a casa fueron nes canches del NCS Alcobendas (83-85) y Aquimisa Carbajosa (48- 75). El conxuntu norteafricanu atropa una racha de cuatro derrotes consecutives lloñe del Pabellón Guillermo García Pezzi.
El Círculu Xixón Baloncestu impúnxose esti pasáu domingu al MSC Enrique Soler nel alcuentru apostáu en Melilla correspondiente al postrer partíu de la temporada regular pola resultancia de 72-91. El MSC Enrique Soler notó la falta d’actividá competitiva yá que por culpa del COVID-19 llevaba ensin xugar dende’l pasáu 27 de marzu. El Círculu Xixón Baloncestu marcó diferencies pol so aciertu esterior (19/41-T3) nun alcuentru onde per parte del conxuntu xixonés destacaron Arturo Seara (24 puntos; 7 triples), Alo Marín (17 puntos), Justinas Olechnavicius (16 puntos), Quarry Greenaway (12 puntos) y Javi Lucas (11 puntos). El Círculu Xixón Baloncestu encaró’l partíu con 7 xugadores. Eudaldo Imobach con 26 puntos y Damian Prgomet (12 puntos) fueron los más
destacaos del MSC Enrique Soler.

El proyectu deportivu del Melilla Sport Capital Enrique Soler 2020/2021 iguóse en base a la continuidá de cinco xugadores Luis García, Eudaldo Imobach, Wasim El Otmani, Javier González y Daniel García. El conxuntu melillense realizó siete fichaxes: Michael Provenzano (Simon Fraser University), Erikas Kalinicenko (Enerdrink UDEA Algeciras Dam), Diego de Blas (Levitec Huesca), Kenny Ejim (Zornotza Saskibaloi Taldea), Javier Hernández (JAFEP Fundación GlobalCaja La Roda), Carlos Poyatos (Círculo Gijón Baloncesto) y Damian Prgomet (Southwest Baptist University). Amás el Melilla Sport Capital Enrique Soler utilizó esta temporada a trés componentes del equipu de Lliga EBA que milita nel Grupu D-A y que son Javier González, Antonio José Morales y Daniel Tarrón.

Los xugadores más importantes del Melilla Sport Capital Enrique Soler son Damian Prgomet, Erikas Kalinicenko y Luis García. Nel conxuntu melillense milita una cara bien conocida pa l’afición del Círculu Xixón Baloncestu como ye Carlos Poyatos que militó la pasada temporada nel conxuntu xixonés.
De siguío analizamos a los meyores xugadores del Melilla Sport Capital Enrique Soler.

Damian Prgomet (14.1 ppp; 6.1 rpp), pívot australianu con pasaporte croata de 24 años y 2.08 m., ye la estrella del Melilla Sport Capital Enrique Soler. Primer esperiencia profesional en rematando’l so ciclu universitariu en Southwest Baptist University onde na so última temporada promedió 13.2 ppp; 7.6 rpp. Cuartu xugador más valoráu y quintu máximu anotador nel Grupu Oeste.

Erikas Kalinicenko (11.3 ppp; 2.5 rpp), aleru lituanu de 23 años y 1.96 m., que torna al Melilla Sport Capital Enrique Soler onde yá militó na temporada 2018/2019 onde tamién formó parte del Melilla Baloncestu col que debutó en LEB Oru apostando 12 partíos. La pasada temporada militó nel Enerdrink UDEA Alxecires. Kalinicenko formó parte de les canteres del Lucentum Alicante y UCAM Murcia. Na temporada 2017/2018 xugó nel C.B. Cazorla Jaen Paraísu Interior onde coincidió con Ánxel Moru y Quarry Greenaway.

Luis García (9.4 ppp; 3.4 rpp; 5.6 app), base de 22 años y 1.90 m., cumple la so cuarta temporada nel Melilla Sport Capital Enrique Soler. 2u nel ranking d’asistencies nel Grupu Oeste. Formáu na cantera del Unicaja.

Carlos Poyatos (9.4 ppp; 4.9 rpp), ala-pívot de 26 años y 2.07 m., que la pasada temporada destacó nel Círculu Xixón Baloncestu. Na temporada 2014/2015 debutó en LEB Oru defendiendo los colores de la Palma Air Europa onde tuvo dos temporaes más (2015/2016; 2016/2017). Dende la temporada 2017/2018 Carlos Poyatos milita en LEB Plata pasando por Xuven Cambados (2017/2018), Hestia Menorca (2018/2019) y Círculo Xixón Baloncestu (2018/2019) previu a la so llegada esta temporada al MSC Enrique Soler.

Kenny Ejim (10 ppp; 4.4 rpp), aleru canadiense de nacionalidá nixeriana de 26 años y 1.98 m., que na temporada 2018/2019 militó nel Huniko Xixón
Basket xunto al so hermanu Ryan. Kenny Ejim recaló esta temporada nel MSC Enrique Soler procedente del Zornotza Saskibaloi Taldea. La so llegada a España producóse na temporada 2018/2019 al Aquimisa Laboratorio-Queso Zamoranu (LEB Plata) previu a la so incorporación al Huniko Xixón Basket (Lliga EBA) onde promedió 20.3 ppp; 6.8 rpp. Kenny Ejim foi baxa nes trés últimes xornaes .

El Melilla Sport Capital Enrique Soler presenta la siguiente estructura de plantiya.

Bases : Luis García y Michael Provenzano.
Escoltes : Eudaldo Imobach y Wasim El Otmani.
Aleros : Erikas Kalinicenko, Diego de Blas y Kenny Ejim.
Ala-Pívots: Carlos Poyatos y Javier Hernández.
Pívots : Damian Prgomet y Javier González
Entrenador : Francisco Javier Nieto.

El Círculu Xixón Baloncestu va cuntar cola baxa de Quarry Greenaway, al nun poder xugar por nun haber tao inscritu na fecha orixinal del alcuentru.