L’aleru Unai Mendikote incorpórase a les files del Círculu.
Unai (1.98) ye un aleru que vien del CB Zamora y ye una de les nueves promeses d’esta LEB Plata. Caracterízase-y por ser un xugador touterrén, reboteador y defensivu
Estes fueron les palabres de Nachu Galán “Mendikote ye un aleru bien fuerte, que nos va a ayudar enforma a dar calter al equipu, cola so intensidá y enerxía. Bien bon reboteador y bien potente nel 1×1, tendrá de ganar enfotu nel so llanzamientu de triples y la selección nel xuegu con balón. Trabayador incansable qu’aprovechó perbién el branu para siguir formándose, participando ente otros, nel Campus de Bilbao Basket.
Unai puede llegar a ser un xugador ACB nun futuru. En Xixón ayudarémoslu a ameyorar y darémos-y tol enfotu necesariu por que se atope cómodu y pueda enriar toa esa enerxía desbordante na meyora propia y del equipu.”
El vizcaín amuésase bien contentu por fichar pel Círculu Xixón y declarábanos qu’una de les sos principales armes ye que me considero un bon compañeru qu’ayuda siempres y doi el 100% polos mios compañeros y equipu” característica qu’a tou aficionáu gústa-y ver nuna cancha de baloncestu.
