El Unicaja Bancu Uviéu lleva’l primer Tornéu de Baloncestu Internacional Villa de Xixón énte un Círculu peleón.
6-0 arrincaba’l Círculu Xixón Baloncestu’l partíu obligando al Unicaja Banco Uviéu a pidir el primer tiempu muertu del alcuentru. Un tiempu muertu ónde’l conxuntu uvieín consiguió espertar y empatar a 8 el partíu. Entá asina’l Círculu volvía coyer ritmu y consiguió cerrar el primer cuartu a +4 de distancia.(17-13)
Nel segundu cuartu empezó bien igualáu hasta que nel minutu 6:24, el conxuntu xixonés volvió consiguir desapegase del Uviéu y cerrar esti cuartu a +5 puntos de distancia. (33-28)
Tres el pasu de vestuarios el Unicaja Banco Uviéu demostró por qué ye un equipu de LEB Oro imponiéndose a un Círculu que faía lo que podía. El Conxuntu uvieín impunxóse nesti cuartu por 52-63.
El Círculu quería intentalo si o sí , nun ye hasta’l minutu 2.17 cuando consiguió ponese a +2 puntos del Uviéu. Pero’l conxuntu uvieín volvió sufrir y supo otra vegada caltener la frialdá necesaria para consiguir de nuevu una nueva victoria frente a un Círculu Xixón que lo intentó hasta’l final. El partíu remató con un 65-71.
Asina remata’l primer Tornéu de Baloncestu Internacional Villa de Xixón.
