Visítanos l’Enerparking Basket Navarra

César Morales analiza al nuesu próximu rival, l’Enerparking Basket Navarra, de cara al alcuntru que’l Círculo Gijón Baloncesto, va disputar esti sábadu nel Palaciu los Deportes de Xixón de magar les 20 hores.

El Círculu Xixón Baloncestu torna a la competición tres el parón pela primer Ventana FIBA de clasificación pa la Copa del Mundu 2023. Nel so postrer partíu’l Círculu Xixón Baloncestu cayó na pista del C.B. Morón (68- 55) mientres que’l Enerparking Basket Navarra enxaretó una contundente paliza al Damex UDEA Alxecires (101-65).

El Círculu Xixón Baloncestu va cuntar col so nuevu fichaxe Obi Megwa. Base estadounidense con nacionalidá nixeriana de 24 años y 1.83 m. Condición Cotonou nun ocupando plaza como estracomunitariu. El so últimu equipu foi Team Tampa (EuroBasket Summer League) na temporada 2019/2020 apostando trés alcuentros con unes medies estadístiques de 10.3 ppp; 3.7 rpp; 1 app. La so carrera universitaria desenvolvióse en Northwest Nazarene University (2017/2018; 2018/2019) siendo les sos medies de 13.5 ppp; 1.5 rpp; 3.5 app (2018/2019) y 10 ppp; 2 rpp; 3 app (2017/2018). Megwa va debutar n’España col Círculu Xixón Baloncestu. La so llegada al conxuntu xeométricu ye p’ayudar na dirección de xuegu a Anthony Libroia xuníu a que tamién puede desempeñar funciones como escolta gracies al so aciertu dende’l perímetru.

El proyectu deportivu del Enerparking Basket Navarra 2021/2022 iguóse en base a la continuidá d’Adrián García y Pablo Yárnoz más nueve fichaxes: Tate Hoffman (Southern Oregon University), Iñigo de la Hera (Ulacia Zarautz), David Font (F.C. Barcelona B), Javier Balastegui (Club Basquet Pardinyes Lleida), Jordan Rogers (Club Basquet Pardinyes Lleida),
Pablo Fernández (C.B. Valle de Egües), Pau Treviño (Grup Via-C.B. Artes), Stephen Ugochukwu (Grupo Alega Cantabria) y Lamine Badji (AS Douanes).

El Enerparking Basket Navarra, 10º clasificáu con un balance de 2 victories – 5 derrotes. Como visitante’l conxuntu navarru presenta un balance de 1 victoria (C.B. Morón) y 2 derrotes (C.B. Marbella; Herieda Club Ourense Baloncestu).

El Enerparking Basket Navarra presenta la siguiente estructura de plantilla

Bases : Javier Balastegui e Iñigo de la Hera.
Escoltes : David Font, Pablo Yárnoz y Pablo Fernández. Aleros : Jordan Rogers y Pau Treviño.
Ala-Pívots: Adrián García y Tate Hoffman.
Pívots : Stephen Ugochukwu y Lamine Badji. Entrenador : Jordi Juste.

Los xugadores más importantes del Club Baloncestu Morón son David Font, Javier Balastegui, Adrián García, Stephen Ugochukwu y Pablo Yárnoz.

David Font (16.5 ppp; 1.4 rpp), escolta de 21 años y 1.92 m., procedente del F.C. Barcelona B col que la pasada temporada se proclamó Subcampeón LEB Plata. 2o máximu anotador del Grupu Oeste. Primer esperiencia profesional fora de la cantera azulgrana. Na temporada 2017/2018 David Font fixo’l so debú en LEB Oru defendiendo el colores del filial culé.

Javier Balastegui (10.8 ppp; 3.2 rpp; 2.5 app), base de 24 años y 1.86 m., procedente del Club Basquet Pardinyes Lleida pa cumplir la so tercer temporada en LEB Plata. La pasada campaña Javier Balastegui empezó en Torrons Vicens – C.B. L’Hospitalet, pa a mediaos del mes de xineru, recalar nel Club Basquet Pardinyes Lleida.

Adrián García (8.4 ppp; 3.8 rpp), ala-pívot de 36 años y 2.00 m., cumpliendo la so octava temporada nel Enerparking Basket Navarra. Nuevu capitán del conxuntu navarru tres la retirada d’Iñaki Narros. Octava temporada, sesta consecutiva, na so segunda etapa nel conxuntu navarru que se resume nes dos primeres (2009/2010; 2010/2011) y les seis últimes de forma consecutiva. Toles temporaes d’Adrián García nel Enerparking Basket Navarra fueron en LEB Plata cola esceición de la temporada 2010/2011 na que l’equipu militó en LEB Oru. Formáu na cantera del Estudiantes col que llegó a debutar en ACB na temporada 2003/2004. La so segunda esperiencia ACB foi con CAI Zaragoza (2012/2013). Adrián García militó nel desaniciáu Calefacciones Farho Xixón Baloncestu (2007/2008) en LEB Plata.EBA, LEB 2, LEB Plata, LEB Oru y ACB son toles categoríes nes que xugó Adrián García.

Stephen Ugochukwu (7.5 ppp; 6.4 rpp), ala-pívot estadounidense con nacionalidá nixeriana de 25 años y 2.01 m, procedente del Grupo Alega Cantabria onde militó les dos postreres temporaes (2019/2020; 2020/2021). El so ciclu universitariu desenvolviólo en Mc.Neese State University (2014/2015; 2015/2016; 2016/2017; 2017/2018). La so primer esperiencia profesional foi en México con Soles de Mexicali (2018/2019) pa siguir en Texas Legends (G-League) onde remató la temporada. Cambéu d’equipu dientro de G- League, pa la temporada 2019/2020 recalar en Northern Arizona Suns, pero a metá de cursu ye cortáu, dexando’l so fichaxe pol Igualatorio Cantabria Cercu en febreru de 2020 onde permaneció hasta la pasada temporada.

Pablo Yárnoz (7.8 ppp; 3.4 rpp), escolta de 25 años y 1.94 m., cumple la so sesta temporada nel Enerparking Basket Navarra.

Círculo Xixón Baloncestu y Enerparking Basket Navarra enfrentáronse en dos vegaes nel Palaciu de Deportes de Xixón nes temporaes 2018/2019 (77-79) y 2019/2020 (79-76), mientres que la pasada campaña nun coincidieron,
al tar el conxuntu navarru encuadráu nel Grupu Este.