El Círculu Xixón consiguió’l pasáu miércoles llibrase del descensu directu, gracies a la magnífica victoria (91-86) contra un bon CB Zamora Namora.
El conxuntu xixonés encara esta última xornada con más tranquilidá. En casu de victoria’l Círculu caltendría’l puestu 11º y en casu de derrota y la posible victoria de Aquimisa o Alxecires pondríalu 12º puestu.
Sería importante pal Círculu consiguir caltener la posición 11º yá que a Ida del play out sedría fuera y la vuelta en casa; y asina tener el “factor campu“.
Mientres el nuesu rival el Tizona de Burgos, unu de los candidatos al ascensu de primeres de temporada, tán nuna pequena crisis yá que destituyeron al entrenador esta selmana y hasta el momentu nun se sabe quien va ocupar el banquín. El Tizona de Burgos ta 5º na clasificación empatáu col CB Zamora Enamora y a una victoria del terceru que ye’l Zornotza. Nesti alcuentru van intentar con una victoria asitiase meyor cara a los enfrentamientos de los play off.
Los xugadores más importantes del Tizona de Burgos son :
Didac cuevas (1.78) ye un base con esperiencia en LEB Plata y na LEB Oru a pesar de la so curtia edá. Anguaño ye’l meyor del equipu con unes estadístiques de 298 puntos, 103 rebotes, 118 asistencies y 386 de Valoración.
De Berry (2.08) ye un pivot estadounidense que llega pela primera vez a España. Nesta temporada lleva 316 puntos, 147 Rebotes , 18 asistencias y Valoración de 362.
Alejandro Bortolussi (2.02) ye un Ala-Pivot arxentinu con experiencia en LEB Oru y na LEB Plata. Nesta temporada lleva 224 puntos, 123 Rebotes , 29 asistencias y Valoración de 245.
El Tizona de Burgos presenta la siguiente estructura de plantiya:
Bases : Didac Cuevas y Luis Ferrando.
Escoltes : Iván Martínez, Peter Stümer y Nacho García.
Aleros : Alberto Ruíz de Galarreta y Pedro García.
Ala-Pívots : Alejandro Bortolussi y Alberto Alonso.
Pívots : Corey DeBerry, Pa Mor Diene y Garmine Kande.
