Nun ta permitíu l’accesu o la permanencia nel recintu en que se realice l’eventu del club a cualquier persona que s’atope incursa en dalgún de los actos o conductes establecíes nel artículu 2 de la Llei contra la violencia, el racismu, la xenofobia y l’intolerancia nel deporte (Llei 19/2007, de 11 de xunetu), como pueden ser:
- Participar en fregaos, reñes, engarradielles o desórdenes públicos.
- Introducir, portar o utilizar cualquier clase d’armes o d’oxetos que pudieren producir los mesmos efectos, como elementos punchantes, cortantes, o susceptibles d’utilizase como proyectiles, talos como alimentos en recipientes ríxidos, bebíes embotellaes o los sos envases.
- Introducir o tar en posesión de bengales, petardos, voladores, esplosivos o, polo xeneral, productos inflamables, fumíferos o corroyentes y dispositivos pirotécnicos.
- Atopase so los efectos de bébores alcohóliques, estupefacientes, sicotrópicos, estimulantes o sustancies análogues.
- Introducir o vender cualesquier clase de bébores alcohóliques, sustancies estupefacientes, sicotrópiques, estimulantes o análogues.
- Introducir, esibir o ellaborar pancartes, banderes, símbolos o otres señales con mensaxes qu’afalen a la violencia o al terrorismu, o en que la so virtú una persona o grupu d’elles seya amenaciada, faltada o vetada por razón del so orixe racial o étnicu, relixón o convencimientos, discapacidá, edá, sexu o orientación sexual.
- Realizar cantaraes, espresiones, soníos o actitúes qu’afalen a la violencia o al terrorismu, o que pretendan humildar a una persona o grupu d’elles por razón de la so raza o etnia, discapacidá, relixón o convencimientos, sexu o orientación sexual.
- Metese nel campu de xuegu.
- Ser sancionáu cola prohibición d’accesu a cualesquier recintu deportivu en tantu nun s’escastara la sanción.
